Posted: 06/18/2012 01:55 PM IST

      'గబ్బర్ సింగ్' సినిమా తర్వాత పవన్ కల్యాణ్ నటిస్తున్న 'కెమెరామెన్ గంగతో రాంబాబు' సినిమా షూటింగు గత రెండు రోజులుగా హైదరాబాదు సారధీ స్టూడియోలో జరుగుతోంది. స్టూడియోలో వేసిన ప్రత్యేకమైన సెట్లో పవన్ కల్యాణ్ , తమన్నాలపై ప్రస్తుతం కొన్ని సన్నివేశాలను చిత్రీకరిస్తున్నారు. పూరీ జగన్నాథ్ పని పట్ల పవన్ సంతృప్తిని వ్యక్తం చేస్తున్నాడట. స్క్రిప్ట్ పట్ల పూరీకున్న కమాండ్ కి పవన్ అడ్మైర్ అవుతున్నాడని యూనిట్ సభ్యులు చెబుతున్నారు.  కాగా, సినిమా షూటింగు ఆహ్లాదకర వాతావరణంలో జరుగుతోందనీ, పవన్ కల్యాణ్ మంచి మూడ్ తో షూటింగు చేస్తున్నారనీ పూరీ జగన్నాథ్ అంటున్నాడు. తన 'డార్లింగ్' ప్రకాష్ రాజ్ ఇందులో విలన్ గా నటిస్తున్నాడని పూరీ ఆనందంగా చెబుతున్నాడు. మొదట్లో ప్రకటించినట్టుగా చిత్రాన్ని అక్టోబర్ 18 న రిలీజ్ చేస్తామని పూరీ జగన్నాథ్ మరోసారి మాట ఇస్తున్నాడు!
       ఇదిలా ఉంటే..  'కెమెరామెన్ గంగతో రాంబాబు' చిత్రం గురించిన ఓ లేటెస్ట్ న్యూస్ ఇప్పుడు ఫిల్మ్ నగర్లో హల్ చల్ చేస్తోంది. పవన్ కల్యాణ్ హీరోగా చేస్తోన్న ఈ సినిమాలో బాలీవుడ్ బ్యూటీ క్వీన్ కరీనా కపూర్ ఓ ఐటం నెంబర్ చేయబోతుందనేది ఆ వార్త సారాంశం. ఈ విషయమై దర్శక  నిర్మాతలు కరీనాని సంప్రదించడం ... ఆమె గ్రీన్ సిగ్నల్ ఇవ్వడం జరిగిపోయాయని ప్రచారం జరుగుతోంది. తన కెరియర్ ప్రారంభంలో 'తొలిప్రేమ' ... 'ఖుషీ' చిత్రాల రీమేక్ లలో కరీనా నటించింది.  అంతేకాదు,  ఆ సందర్భంగా ఆమె ఆ ఒరిజినల్ సినిమాలు చూడటం ... పవన్ యాక్టింగ్ ని ప్రశంసించడం జరిగాయి. ఈ అభిమానంతోనే ఆమె ఈ సినిమాలో ఐటం నంబర్                    కాగా,  ఎస్.జె. సూర్య  కూడా తను నటిస్తూ తెరకెక్కిస్తోన్న 'ఇసై' తమిళ చిత్రంలో కరీనాతో ఓ ఐటం నంబర్ చేయించడానికి ప్రయత్నిస్తున్నట్టు తెలుస్తోంది. కరీనా కథానాయికగా హిందీలో 'ఖుషీ'ని తెరకెక్కించింది సూర్యానే. ఈ పాట చేయడానికి కరీనా ఆసక్తి చూపుతోందనీ, అయితే ముందుగా పాట తనకి నచ్చాలనీ కండిషన్ పెట్టిందట. దాంతో, ఇప్పుడీ చిత్రానికి సంగీత దర్శకుడు కూడా అయిన సూర్యా ఓ మాంచి మసాలా నెంబర్ చేయడానికి రెడీ అవుతున్నాడని తెలుస్తోంది.

...avnk