Posted: 06/14/2012 04:02 PM IST

టాలీవుడ్ లో మరో మల్టీస్టారర్ మూవీకి ఈ రోజు శ్రీకారం పడింది. తమిళంలో విజయాన్ని సాధించిన 'వేట్టై' చిత్రాన్ని తెలుగులోకి రీమేక్ చేయనున్నారనీ ... ఈ సినిమాలో నాగ చైతన్య - సునీల్ నటించనున్నారనీ ఇంతకు ముందే వివరించాం. ఆ వార్తని నిజం చేస్తూ  ఇప్పుడీ సినిమా ప్రారంభమైంది. శ్రీ సాయి గణేష్ ప్రొడక్షన్స్ బ్యానర్ పై బెల్లంకొండ సురేష్ నిర్మిస్తోన్న ఈ సినిమా షూటింగ్, ఈ రోజు ఉదయం హైదరాబాద్ లోని రామానాయుడు స్టూడియోలో  లాంఛనంగా   ప్రారంభమైంది.

        నాగ చైతన్య - సునీల్ పై చిత్రీకరించే తొలి సన్నివేశానికి అక్కినేని క్లాప్ ఇవ్వగా ... రామానాయుడు కెమెరా స్విచ్చాన్ చేయగా ... వినాయక్ గౌరవ దర్శకత్వాన్ని వహించారు.   ‘కొంచెం ఇష్టం కొంచెం కష్టం’ చిత్ర దర్శకుడు పి. కిషోర్ కుమార్(డాలి) ఈ చిత్రానికి దర్శకత్వం వహించబోతున్నారు.

     కాగా, సునీల్ ఈ చిత్రంలో అందరికి బయపడే పిరికివాడైన పోలీసు పాత్ర పోషించబోతున్నారు, ధైర్యసాహసాలు గల యువకుడి పాత్రలో నాగ చైతన్య సునీల్ కి తమ్ముడిగా కనిపించబోతున్నారు. హన్సిక ఈ చిత్రంలో ఒక కథానాయికగా ఎంపిక కాగా మరొక కథానాయిక ఎవరనేది ఇంకా ఖరారు కాలేదు. ఈ మల్టీస్టారర్ మూవీపై అందరిలోనూ అసక్తిపెరుగుతోంది. జూలై 1 నుంచి రెగ్యులర్ షూటింగ్ జరుపుకోనుంది. ఘనంగా జరిగిన ఈ చిత్ర ప్రారంభోత్సవ కార్యక్రమానికి ప్రముఖ దర్శక నిర్మాతలు హాజరయ్యారు. కార్యక్రమ చిత్రాలు మీకోసం....

...avnk