Posted: 06/04/2012 05:06 PM IST

      ఛత్రపతి తన రుద్ర రూపాన్ని మరోమారు చూపించబోతున్నాడు.  ప్రస్తుతం 'రెబల్' సినిమాలో నటిస్తున్న ప్రభాస్, త్వరలో 'రుద్ర' అవతారంలో ప్రేక్షకులకు దర్శనం ఇవ్వనున్నాడు. ప్రముఖ రచయిత కొరటాల శివ దర్శకత్వంలో ప్రభాస్ హీరోగా నటించే చిత్రానికి ఈ 'రుద్ర' టైటిల్ని పరిశీలిస్తున్నట్టు తెలుస్తోంది. మొదట్లో ఈ చిత్రానికి 'వారధి' అనే టైటిల్ ప్రచారంలోకి వచ్చింది. అయితే, ప్రభాస్ ఇమేజ్ కి తగ్గట్టుగా వుండడం కోసం ఈ టైటిల్ని ఇప్పుడు 'రుద్ర'గా మారుస్తున్నారట. ఇందులో ప్రభాస్ పక్కన అనుష్క, రిచా గంగోపాద్యాయ కథానాయికలుగా నటిస్తున్నారు. ప్రస్తుతం చేస్తున్న 'రెబల్' సినిమా పూర్తికాగానే ఈ 'రుద్ర' చిత్రం షూటింగు ఊపందుకుని, నిర్విరామంగా జరుగుతుందని అంటున్నారు. అంతేకాదు, ఈ సినిమాలో  రిచా చాలా సెక్సీగా కనిపించబోతుందట. ఇక ప్రభాస్ విషయానికొస్తే ఇంతకు ముందు ఎన్నడూ లేని విధంగా ప్రభాస్ కు ఈ సినిమాలో అద్భుతమైన నటనకు ఆస్కారం ఉంటుందని సమాచారం

...avnk