Posted: 05/31/2012 07:37 PM IST

      నవ్వుల పూలు విరబూయించనున్నాడు యంగ్ టైగర్ బాద్ షా. సాధారణంగా దర్శకుడు శ్రీను వైట్ల సినిమాలో హీరో క్యారెక్టర్‌కు ఎంత ప్రయారిటీ ఉంటుందో... కామెడీ స్టార్ బ్రహ్మనందం క్యారెక్టర్‌కు అంతే రేంజ్ ప్రాధాన్యత ఉంటుంది. గతేడాది శ్రీను వైట్ల డైరెక్షన్‌లో వచ్చిన దూకుడు సినిమాలోనూ హీరో మహేష్‌ బాబు, బ్రహ్మనందంలపై తెరకెక్కిన కామెడీ సీన్స్ హైలెట్‌ గా నిలిచాయి. ఇక శ్రీను వైట్ల అప్‌కమింగ్ మూవీ బాద్ షాలోనూ ఎన్టీఆర్-బ్రహ్మనందం మధ్య జరిగే సన్నివేశాలు హైలెట్‌గా ఉండబోతున్నాయని టాలీవుడ్‌లో టాక్. సినిమాలో హీరో ఎన్టీఆర్ యాక్షన్ సన్నివేశాలతో పాటు ఎన్టీఆర్ బ్రహ్మీపై తెరకెక్కే కామెడీ సన్నివేశాలు కూడా అంతే కామెడీగా తెరకెక్కించబోతున్నట్టు తెలుస్తోంది.
      మరోవైపు ఎన్టీఆర్ బ్రహ్మనందంల కామెడీ జోడీ తెరపై ఇదివరకే నవ్వులు పువ్వులు పూయించింది. గతంలో వీరిద్దరి కలిసి నటించిన అదుర్స్ సినిమాలో వీరి కాంబినేషన్ కామెడీయే సినిమాకు హైలెట్‌ గా నిలిచింది. చారి.. గురువుగారు అంటూ సాగే వీరిద్దరి మధ్య సంభాషణలు ఆడియెన్స్‌ను మళ్లీ మళ్లీ ధియేటర్లకు రప్పించాయి. ఇక బృందావనంలో ఎన్టీఆర్‌కు డూప్ ఫాదర్‌గా నటించిన బ్రహ్మనందం... మరోసారి అద్భుతమైన కామెడీ పండించాడు. తాజాగా, ఎన్టీఆర్ అప్‌ కమింగ్ మూవీ బాద్‌ షాలోనూ వీరిద్దరి కాంబినేషన్‌ స్పెషల్ అట్రాక్షన్‌ అని సినీ వర్గాలు చెప్పుకుంటున్నాయి. ఎన్టీఆర్-బ్రహ్మనందంల మధ్య కామెడీ సీన్లను శ్రీను వైట్ల తనదైన స్టయిల్లో తెరకెక్కించేందుకు అప్పుడే స్కిప్ట్‌ రెడీ చేసుకున్నట్టు సమాచారం. మొత్తానికి ఎన్టీఆర్ బాద్ షా మరోసారి అదుర్స్ రేంజ్ కామెడీని రిపీట్ చేస్తుందనడంలో సందేహం లేదు. యంగ్ టైగర్ యాక్షన్ ఎపిసోడ్స్ సంగతి ముందునుంచీ తెలిసిందే. రొటీన్ కు భిన్నంగా యంగ్ టైగర్ కామెడీని ఎలా పండిస్తున్నాడో చూస్తుంటే.. చెక్కిలిగింతలు పెట్టేసి.., నవ్వుల పూలు విరబూస్తున్నాడు. అంతేకాదు నేను దేనికైనా సూటైపోతా అని చూపిస్తున్నాడు. దటీజ్ యంగ్ టైగర్...ఎన్టీఆర్...

...avnk