Posted: 05/31/2012 07:10 PM IST

      సీవాసిచె కు సూపర్ రెస్పాన్స్ వస్తోంది.  సూపర్ స్టార్ కృష్ణ పుట్టిన రోజు సందర్భంగా 'సీతమ్మ వాకిట్లో సిరిమల్లె చెట్టు' చిత్రానికి సంబంధించిన ఫస్ట్ లుక్ టీజర్ని ఈ రోజు ఉదయం విడుదల చేశారు. ఈ టీజర్ కి అటు వెంకటేష్ అభిమానుల నుంచి ... ఇటు మహేష్ బాబు ఫ్యాన్స్ నుంచి అనూహ్యమైన స్థాయిలో స్పందన లభిస్తోంది. తెలుగు టీవీ చానెల్స్ అన్నీ ఈ టీజర్ని ఎక్కువ సార్లు ప్రసారం చేస్తున్నాయి. అలాగే, ఆయా వెబ్ సైట్లలో కూడా దీనికి ఎక్కువ హిట్స్ వస్తున్నట్టు తెలుస్తోంది. తెలుగుదనాన్ని ప్రతిబింబించే ఉమ్మడి కుటుంబ వ్యవస్థ ...  ఆత్మీయతలు - అనురాగాలు ... ఆనందాలు ఇవన్నీ కూడా ఈ సినిమా టీజర్లో కనిపిస్తున్నాయి. అన్నదమ్ములుగా వెంకటేష్ - మహేష్ బాబు ఆదర్శవంతంగా కనిపిస్తుంటే, అల్లరి చేస్తూ సమంతా ... అణకువగా అంజలి కనువిందు చేస్తున్నారు. ముచ్చటైన తెలుగుదనంతో రూపొందించిన ఈ టీజర్ ... ఉమ్మడి కుటుంబంలోని నిండుదనాన్నీ - పండుగదనాన్ని కళ్ళ ముందుంచుతోంది. ఈ టీజర్ ఈ సినిమాపై మరింతగా అంచనాలు పెంచుతుందనడంలో అతిశయోక్తి లేదని పరిశీలకులు చెబుతున్నారు. అంతేకాదు ఇద్దరు పెద్దహీరోలు కలిసి నటిస్తోన్న సినిమాకావటంతో అందరి ద్రుష్టి ఈ సినిమా మీద ఉంది.

...avnk