Posted: 05/25/2012 06:27 PM IST

      మీలో మంచి నటన ఉందా.. అయితే మీ పంట పండినట్టే.. అంటూ ఉత్సాహవంతులకు ఓ మంచి ఆఫర్ ను ప్రకటించింది టాలీవుడ్ లో బిగ్ బ్యానర్ ఆర్.ఆర్.మూవీ మేకర్స్. అంతా కొత్త నటీనటులతో ఆర్ఆర్ మూవీ మేకర్స్ నిర్మించనున్న 'లవ్ లాంగ్వేజ్' చిత్రం కోసం టాలెంట్ హంట్ నిర్వహిస్తున్నారు. ఎల్. వాసుదేవాను దర్శకుడిగా పరిచయం చేస్తూ తెలుగు, తమిళ, హిందీ భాషల్లో ఈ ‘లవ్‌లాంగ్వేజ్’ రూపొందనుంది. ఈ మేరకు ఆ చిత్ర దర్సకుడు పోస్టర్స్ ని విడుదల చేసారు. ఈ సినిమాను ఈ నెల 15న ప్రారంభించి ఆగస్ట్‌ లో విడుదల చేయడానికి సన్నాహాలు చేస్తున్నారు. ఆర్.ఆర్.మూవీ మేకర్స్ సంస్ధ కొత్త వాళ్లతో నిర్మిస్తున్న సినిమాకు 16 నుంచి 25 సంవత్సరాల లోపు యువతీ యువకులకు నటించే అవకాశం ఇస్తున్నారు. నిర్మాత ఆర్. వెంకట్ చిత్ర విశేషాలు తెలిపారు. ‘అంతా కొత్తవారితో సినిమాలు తీయాలన్న నిర్ణయానికి మంచి స్పందన లభిస్తోంది. చాలా మంది మమ్మల్ని సంప్రదిస్తున్నారు. అందులో ‘లవ్‌లాంగ్వేజ్’ సబ్జెక్ట్ మాకు బాగా నచ్చింది. మూడు భాషల్లో ఈ చిత్రాన్ని ప్రారంభిస్తున్నాం. ఆరు కోట్ల బడ్జెట్‌తో అందరూ కొత్త నటీనటులు, సాంకేతిక నిపుణులతో ఈ చిత్రాన్ని తెరకెక్కిస్తున్నాం. కొత్తవారితో నిర్మిస్తున్న ఈ చిత్రం సరికొత్త ట్రెండ్‌కు నాంది పలుకుతుందని భావిస్తున్నా అని ఆశాభావం వ్యక్తం చేశారు.

...avnk