Posted: 05/22/2012 07:13 PM IST

      రామ్ గోపాల్ వర్మ-సంజయ్ దత్ వ్యవహారం ట్వట్టర్ సాక్షిగా బట్టబయలైంది. ఇప్పుడు వీరిద్దరి మధ్యా పచ్చగడ్డి వేస్తే భగ్గుమంటోంది. దీనికి కారణం... తాజాగా విడుదలైన హిందీ చిత్రం 'డిపార్ట్ మెంట్'! ఈ సినిమా సెట్లోనే వీళ్ళిద్దరి మధ్యా గొడవలు జరిగాయంటూ వార్తలొచ్చినా ... ఇప్పుడవి ఒకర్నొకరు ప్రత్యక్షంగా తిట్టుకునే దాకా వెళ్ళిపోయాయి.  ఈ సినిమాకు 5D కెమెరాలు వాడద్దని తాము ఎంతగా వారించినా వర్మ వినలేదనీ, ఇకపై తాను వర్మతో కలిసి పనిచేయననీ సంజయ్ దత్ ప్రకటించాడు.
'సినిమా రంగంలో 32 ఏళ్ల నుంచి వున్నాను. ఏ కెమెరాలు ఏ తరహా సినిమాకు సరిపోతాయో ... ఏవి సూట్ అవ్వవో నాకు తెలుసు. కానీ, నా మాట వింటేగా... ఏమైందిప్పుడు?" అంటూ సంజయ్ మండిపడుతున్నాడు. సంజయ్ దత్ ప్రొడక్షన్స్ సీఈఓ ధరం ఒబెరాయ్ కూడా వర్మ తీరుపై మండిపడ్డాడు. 'భవిష్యత్తులో అతనితో కలిసి పనిచేసేది లేదు' అంటూ తెగేసి చెప్పాడు.
        దీనికి వర్మ కూడా అంతే స్థాయిలో స్పందించాడు. 'డిపార్ట్ మెంట్ సెట్లో సంజయ్ తో నరకం చవిచూశాను. ఏమైనా, ఇక నా జీవితంలో సంజయ్ దత్, ధరం ఒబెరాయ్ ముఖం చూడకూడదని నిర్ణయించుకున్నాను' అంటూ ఘాటుగా ట్వట్టర్ లో సమాధానం ఇచ్చాడు వర్మ.
 సుమారు 30 కోట్ల బడ్జెట్ తో నిర్మించిన ఈ 'డిపార్ట్ మెంట్' సినిమా ఫ్లాప్ సినిమాగా తేలిపోయింది. దానికి తోడు, ఈ వివాదాన్ని బాలీవుడ్ లో రచ్చ రచ్చ గా మారింది.

...avnk