Posted: 05/21/2012 12:49 PM IST

        చాలా కాలంగా సినీరంగానికి తనదైన శైలిలో సేవలందిస్తోన్న సుమన్ చిత్ర సీమకు అందించిన సేవలకు గాను తగిన గుర్తింపు లభించనుంది.  నటుడు సుమన్‌ను నెల్లూరులో సన్మానించనున్నారు.ఇద్దరు కిలాడీలు (1982) చిత్రం ద్వారా తెలుగు చిత్ర పరిశ్రమకు పరిచయమైన సుమన్‌ నటుడిగా మూడు దశాబ్దాలు పూర్తిచేసుకున్నారు. నేటిభారతం, తరంగిణి, దేశంలో దొంగలుపడ్డారు. రాముడుకాదు కృష్ణుడు.. శివాజీ తదితర చిత్రాల్లో చిరస్మరణీయమైన పాత్రలు పోషించారు. ఒక ఆంగ్ల చిత్రంలోకూడా నటించారు.
బావబావమరిది చిత్రం ద్వారా ఉత్తమ నటుడిగా నంది పురస్కారం అందుకున్నారు. అన్నమయ్యలో వెంకటేశ్వరస్వామిగా గుర్తింపు పొందారు. ఆయన కెరీర్‌ను దృష్టిలోపెట్టుకుని హరివిల్లు క్రియేషన్స్‌ సంస్థ నెల్లూరులో ఘనంగా సత్కరించనుంది. జూన్‌ 10న టౌన్‌హాలులో సన్మానవేడుక జరగనుందని సంస్థ ప్రతినిథి డోర్నాల హరిబాబు తెలిపారు. కార్యక్రమంలో పొన్నాల రామసుబ్బారెడ్డి, వాకాటి విజయకుమార్‌రెడ్డి, సుధాకర్‌రెడ్డి, పిచ్చిరెడ్డి తదితరులు పాల్గొంటారు.

...avnk