Posted: 05/18/2012 07:03 PM IST

       జులాయిగా తిరిగే బన్నీ అందరినీ పలుకరించబోతున్నాడు. అంటే.. అల్లు అర్జున్ హీరోగా త్రివిక్రం శ్రీనివాస్ దర్శకత్వంలో రూపొందుతోన్న 'జులాయి' చిత్రం షూటింగ్ పూర్తి చేసుకుంది. ఈ మూవీ జీవితంలో ప్రతి విషయాన్ని తేలికగా తీసుకునే ఓ యువకుడి కథగా తెరకెక్కింది. ఈ సినిమాలో అల్లు అర్జున్ చేసే డాన్స్  కోసం ... త్రివిక్రం చేసే మాటలగారడి కోసం అభిమానులు ఆసక్తిగా ఎదురుచూస్తున్నారు. ఈ నేపథ్యంలో ఈ సినిమా ఆడియో వేడుకని ఈ నెల 25 న నిర్వహించనున్నట్టు తెలుస్తోంది.  ఈ సినిమాకి దేవిశ్రీ ప్రసాద్ స్వరాలను అందిచడం కూడా, అభిమానుల అంచనాలకి మరింత ఊతాన్నిస్తోందని అంటున్నారు.
కాగా, ఈ సినిమాకి సంబంధించి ... హీరో అల్లు అర్జున్, హీరోయిన్  ఇలియానా ... దర్శకుడు త్రివిక్రం వీరంతా కూడా ప్రస్తుతం ఫ్లాపుల్లో వున్నారు. కాబట్టి, ఈ ముగ్గురికి ఈ సినిమా సక్సెస్ కీలకం కానుంది. అందుకనే చాలా శ్రద్దతీసుకుని ఈ చిత్రం రూపకల్పన చేస్తున్నారన్నది సుష్పష్టం.

...avnk