Posted: 05/18/2012 02:00 PM IST

      రామ్ గోపాల్ వర్మ దర్శకత్వంలో రూపొందిన 'డిపార్ట్ మెంట్' చిత్రం ఇవాళ ప్రేక్షకుల ముందుకి వచ్చింది.  అమితాబ్ ... సంజయ్ దత్  ... రానా ప్రధాన పాత్రలు పోషించిన ఈ సినిమాపై ఇటు టాలీవుడ్ లోను, అటు బాలీవుడ్ లోను భారీ అంచనాలు నెలకొన్నాయి.  తెలుగులో 'నేను నా రాక్షసి' ... 'నా ఇష్టం' వంటి సినిమాల్లో రొమాంటిక్ హీరోగా కనిపించిన రానా,  ఈ సినిమాలో శివన్నారాయణ అనే ఓ సిన్సియర్ పోలీస్ ఆఫీసర్ గా నటించాడు.  ట్రైలర్స్ లో అతని యాక్షన్ సీన్స్  ప్రేక్షకుల్ని ఆకట్టుకోవటంతో యాక్షన్ హీరోగా రానా ఎలా చేశాడనే ఆశక్తి ప్రతిఒక్కరిలోనూ కనిపించింది. ఇక మంచు లక్ష్మీ ప్రసన్న ఇందులో ఓ ప్రత్యేక పాత్రలో నటిస్తుండటం కూడా ఈ సినిమాకి అదనపు ఆకర్షణగా మారనుంది. బాలీవుడ్ లో అమితాబ్ కీ ... సంజయ్ దత్ కి ఉన్న ఇమేజ్ గురించి ప్రత్యేకంగా చెప్పాల్సిన పనిలేదు. ఆల్రెడీ 'దం మారో దం ' చిత్రం ద్వారా అక్కడి ప్రేక్షకులకి రానా పరిచయమే. వర్మ విషయానికే వస్తే, ఇటువంటి సినిమాలు చేయడంలో ఆయన దిట్ట అనే సంగతి అందరికీ తెలిసిందే.  పైగా నథాలియా కౌర్ తో ఓ ఐటంసాంగు పెట్టి, ఆమె గ్లామర్ కి ఎంత పబ్లిసిటీ ఇవ్వాలో అంత పబ్లిసిటీ ఇచ్చాడు.
           ఇప్పటివరకూ అందిన సమాచారం ప్రకారం ఈ సినిమా మీద ప్రేక్షకుల నుంచి మిశ్రమ స్పందన వస్తున్నట్టు తెలుస్తోంది.

...avnk