Nandamoori Natasimham Balayya Babu Journalism

Posted: 05/16/2012 05:26 PM IST

కత్తిపట్టి శత్రుసైన్యాన్ని ఊచకోత కోసే పాత్రలే ఎక్కువగా చేస్తోన్న బాలయ్యబాబు ఇప్పుడు కలం చేపట్టబోతున్నాడు. కత్తి కంటే కలం గొప్పదని మన పెద్దలు చెప్పిన విషయాన్ని తనదైన శైలిలో మరోసారి నిరూపించబోతున్నాడు బాలకృష్ణ. bala_ee రవి చావలి దర్శకత్వంలో రూపొందుతున్న 'శ్రీమన్నారాయణ' చిత్రంలో బాలకృష్ణ జర్నలిస్టు పాత్రలో నటిస్తున్నారన్న విషయాన్ని ఇంతకు ముందే వివరించాం. ఎన్నో స్కాముల్ని వెలుగులోకి తెస్తున్న నేటి పాత్రికేయుడి వ్యక్తిత్వానికి ఈ పాత్ర ప్రతిరూపంలా నిలుస్తుందని దర్శకుడు చెబుతున్నాడు. ఈ చిత్రం షూటింగు ప్రస్తుతం హైదరాబాదు రామోజీ ఫిలిం సిటీలో జరుగుతోంది. ఫిలిం సిటీలోని ప్రిన్స్ స్ట్రీట్ లో ప్రస్తుతం కీలక సన్నివేశాలను చిత్రీకరిస్తున్నారు.
అనంతరం ఈ చిత్ర యూనిట్ యూరప్ పయనమవ్వబోతోంది. త్వరలో యూరప్ లోని అందమైన లొకేషన్లలో మూడు పాటల్ని చిత్రీకరిస్తామని నిర్మాత చెప్పారు. రమేష్ పుప్పాల నిర్మిస్తున్న ఈ చిత్రంలో పార్వతీ మెల్టన్, ఇషా చావ్లా హీరోయిన్లుగా నటిస్తున్నారు. ఈ సినిమాలో సరికొత్తగా జర్నలిస్ట్ అవతారమెత్తుతోన్న బాలయ్యబాబు శత్రువులకు కలంతో సమాధానం చెబుతాడో లేక కత్తిని ఉపయోగిస్తాడో అన్నది సస్పెన్సే...