Posted: 05/16/2012 04:44 PM IST

       హీరోగా రూపాంతరం చెందిన హాస్య కథానాయకుడు సునీల్, యువ కథానాయకుడు నాగ చైతన్యల  అన్నదమ్ములు కానున్నారు. తాజాగా వీరిద్దరూ కలిసి ఓ సినిమాలో ఈ తరహా పాత్రలు పోషించనున్నారు. ఇంతకుముందు వీరిద్దరూ మామా అల్లుడుగా నటించిన సంగతి తెలిసిందే. ఇటీవల మాధవన్, ఆర్య కలిసి తమిళంలో నటించిన 'వెట్టై' చిత్రం తెలుగు రీమేక్ లో సునీల్, చైతన్య బ్రదర్స్ గా నటించబోతున్నారని విశ్వసనీయ వర్గాల సమాచారం.
       త్వరలో సెట్స్ పైకి వెళ్లబోతోన్న ఈ చిత్రానికి 'కొంచం ఇష్టం- కొంచం కష్టం' ఫేం కిషోర్ దర్శకత్వం వహిస్తాడు. ప్రముఖ నిర్మాత బెల్లంకొండ సురేష్ నిర్మించే ఈ చిత్రం షూటింగు త్వరలో మొదలవుతుంది. ఇదిలా ఉంచితే, ఈ సినిమాకు సంబంధించి ఇటీవల చిన్న వివాదం చెలరేగింది. 'వెట్టై' చిత్రాన్ని 'భలే తమ్ముడు' పేరుతో తాను తెలుగులోకి అనువదిస్తున్నట్టు బెల్లంకొండ ఆమధ్య ప్రకటించాడు. అయితే, తమ చిత్రం అనువాదపు హక్కులు తామెవరికీ ఇవ్వలేదని 'వెట్టై' నిర్మాతలు ప్రకటించడంతో కంగుతిన్న బెల్లంకొండ ఆ నిర్మాతలతో సంప్రదించి, ఎక్కువ మొత్తం చెల్లించి, రీమేక్ హక్కుల్ని తీసుకున్నాడని ప్రచారం జరుగుతోంది. ఈ నేపథ్యంలో ఆయన తెలుగు రీమేక్ ప్రారంభిస్తున్నారు. బాలారిష్టాలు తొలగిన నేపథ్యంలో సాధ్యమైనంత త్వరలో చిత్రాన్ని తెరకెక్కించాలని దర్శక నిర్మాతలు అభిలషిస్తున్నట్టు తెలుస్తోంది.  

...avnk