Posted: 05/15/2012 04:07 PM IST

       ‘వేదం’ సినిమాతో బన్నీ-మంచు మనోజ్ మల్టీ స్టారర్ సినిమాలకు మళ్లీ ఆజ్యం పోసింది మొదలు, తెలుగు చిత్ర సీమలో ఈ తరహా సినిమాలకు ప్రాముఖ్యత లభిస్తోంది. ఈ వాతావరణం ప్రముఖ హీరోలు వెంకటేష్, మహేష్ బాబు ‘సీతమ్మ వాకిట్లో సిరిమల్లె చెట్టు’ సినిమాతో ఈ సాంప్రదాయానికి పెద్దపీట వేసిన నేపధ్యంలో ఇలాంటి తరహా మరో సినిమా తెరపైకి రాబోతోంది. ఈ సినిమాలో ఎవరు హీరోలు గా నటించబోతున్నారంటే,  ప్రస్తుతం సోలో హీరోగా నటిస్తున్న హాస్యనటుడు సునీల్,  మరో యువనటుడు సిద్ధార్థ్.
        'అలా మొదలైంది' ఫేం నందినీరెడ్డి తయారుచేసుకున్న కథ వీరిద్దరికీ నచ్చడంతో ఈ ప్రాజక్టులో నటించడానికి సునీల్, సిద్ధార్థ్ అంగీకరించినట్టు చెబుతున్నారు. ఇందుకు సంబంధించిన స్క్రిప్టు పనులు చురుగ్గా జరుగుతున్నాయి. ఇదిలా ఉంచితే, ప్రస్తుతం సిద్దార్థ్, సమంతా జంటగా నందినీ రెడ్డి దర్శకత్వంలో ఓ చిత్రం రూపొందుతున్న సంగతి మనకు తెలిసిందే. అలాగే, మరోపక్క సునీల్ 'రాధాకృష్ణుడు' చిత్రంలో నటిస్తూ బిజీగా వున్నాడు. ఈ రెండు ప్రాజక్టులు పూర్తయ్యాక సునీల్, సిద్ధార్థ్ కలిసి నటించే చిత్రం ప్రారంభం అవుతుందని టాలీవుడ్ వర్గాలు చెబుతున్నాయి.

...avnk