Posted: 05/14/2012 05:07 PM IST

      యంగ్ హీరో వరుణ్ సందేశ్ తన కొత్త సినిమాలో వీర్య దానం చేసే హీరోగా నటించబోతున్నాడు.  వీర్య దానం నేపథ్యంతో బాలీవుడ్‌లో వచ్చిన విక్కీ డోనర్ హిట్ అవటంతో తెలుగులోనూ అలాంటి కథాంశాలతో సినిమాలు రెడీ అవుతున్నాయి. ఆ కోవలో ‘స్నేహగీతం’, ‘ఇట్స్‌ మై లవ్‌స్టోరీ’ చిత్రాల దర్శకుడు మధుర శ్రీధర్ ఓ చిత్రం తెరకెక్కించటానికి సన్నాహాలు చేస్తున్నట్లు మీకింతకుముందే వెల్లడించాం.  ఈ సినిమాకు హీరోగా వరణ్ సందేశ్ ఓకే అయినట్టు తెలుస్తోంది. ఇటీవల ఇదే తరహా కథాంశంతో బాలీవుడ్‌లో ‘విక్కీడోనర్’ సినిమా విడుదలై విమర్శలతో పాటు ప్రేక్షకుల ప్రశంసలు కూడా అందుకుంటోంది.  ఈ సినిమా విశేషాల గురించి మధుర శ్రీధర్ ఇలా అంటున్నారు.  విక్కీ డోనర్ చూసి నేను ప్రేరణ పొందలేదు. పేపర్లో వచ్చిన స్పెర్మ్ డొనేషన్ మీద వచ్చిన ఓ ఆర్టికల్ చదివి కథ రెడీ చేసుకున్నాను. చెన్నైకి చెందిన ఓ జంట ఆన్ లైన్లో ఐఐటి పాస్ అయిన వ్యక్తి వీర్యం కావాలంటూ ప్రకటన ఇచ్చారు. అది చదివిన దగ్గరనుంచి నేను ఆలోచనలో పడి ఆ పాయింట్ మీద సినిమా చెయ్యాలనుకున్నాను. నా సినిమా ఓ ప్రేమ కథ. సరోగెట్ మదర్ కి, స్పెర్మ్ డొనేటర్ కి మధ్య జరుగుతుంటుందంటున్నారు శ్రీధర్.

...avnk