Posted: 05/08/2012 03:31 PM IST

      విలక్షణమైన పాత్రలకు ప్రాముఖ్యతనిచ్చే అల్లు అర్జున్ తనదైన స్టైల్లో ప్రస్తుతం 'జులాయి' పాత్రను చేయబోతున్నాడు.  ఈ సినిమాకి సంబంధించిన ఓ పాటను ఈనెల 9 వ తేదీన (ఎల్లుండు) హైదరాబాద్ లోని రామోజీ ఫిల్మ్ సిటీలో చిత్రీకరించేందుకు ప్లాన్ చేశారు. ఇక్కడ ప్రత్యేకంగా వేసిన భారీ సెట్లో ఈ పాటని జానీ మాస్టర్ నేతృత్వంలో చిత్రీకరించనున్నారు. (ఇటీవల 'రచ్చ' సినిమాలో 'డిల్లకు డిల్లా' పాటకి రామ్ చరణ్ వేసిన స్టెప్పులు ప్రేక్షకుల్ని కట్టిపడేశాయి. రొటీన్ కి భిన్నంగా ... వెరైటీగా వున్న ఆ స్టెప్పుల్ని కంపోజ్ చేసింది జానీ మాస్టారే). దాంతో ఆయననే ఈ పాటకి కొరియోగ్రాఫర్ గా అల్లు అర్జున్ ఎంచుకున్నట్టు తెలుస్తోంది. అసలే డాన్సులతో అదర గొట్టేసే అల్లుఅర్జున్, ఇక ఈ పాటలో తన విశ్వరూపం చూపించడం ఖాయమని వినికిడి. త్రివిక్రం శ్రీనివాస్ దర్శకత్వం వహించిన ఈ సినిమా టాకీ పార్ట్ పూర్తి చేసుకుని, పోస్ట్ ప్రొడక్షన్ పనులు జరుపుకుంటోంది. ఈ సినిమా ఫస్ట్ లుక్ విడుదల సందర్భంలో విశేష స్పందన లభించింది. త్రివిక్రమ్ – బన్నీ కాంబినేషన్లో వస్తోన్న ఈ చిత్రం మీద భారీ అంచనాలే ఉన్నాయి.

...avnk