Posted: 05/04/2012 07:44 PM IST

      విభిన్నమైన భక్తి పారవశ్య సినిమా ‘శిరిడీ సాయి’ కోసం ప్రస్తుతం నాగ్ బిజీగా ఉన్నారు. అయితే తాజా వార్తేంటంటే..  కింగ్ నాగార్జున ఢమరుకం మ్రోగించేందుకు సమయం ఆసన్నమైంది. భారీ బడ్జెట్ తో వస్తోన్న ఈ మూవీ షూటింగ్ పూర్తయి చాలాకాలం అయినప్పటికీ గ్రాఫిక్స్.. డబ్బింగ్ పనులు చాలా శక్తివంతంగా చేస్తుండటంతో సినిమా రిలీజ్ చాలా ఆలస్యమవుతున్నట్టు తెలుస్తోంది. నాగార్జున హీరోగా శ్రీనివాస రెడ్డి దర్శకత్వంలో 'ఢమరుకం' రూపొందుతోంది. దైవశక్తికీ ... దుష్టశక్తికి మధ్య జరిగే పోరాటం ఇతివృత్తంగా ఈ సినిమా తెరకెక్కింది.
      ఈ సోషియో ఫాంటసీ.. తాజాగా అందిన సమాచారం ప్రకారం, జూలై మొదటి వారంలో విడుదల చేసేందుకు సన్నాహాలు చేస్తున్నారు. ఈ సినిమాలో నాగార్జున ఆటో డ్రైవర్ గా., పార్వతీ దేవి అంశతో పుట్టిన మహిమగల యువతిగా అనుష్కా., శివుడిగా ప్రకాష్ రాజ్ నటిస్తున్నారు. 'రక్త చరిత్ర' ఫేం అభిమన్యు సింగ్ ఈ సినిమాలో విలన్ గా కనిపించబోతున్నాడు. ఈ సినిమాలో నటీనటులంతా తమ పాత్రలకు పూర్తి న్యాయం చేకూర్చే వారే కావటంతో మంచి అవుట్ పుట్ వచ్చిందని చిత్ర వర్గాల టాక్.

...avnk