Posted: 04/23/2012 06:12 PM IST

              బాలీవుడ్ బ్యూటీ కరీనా కపూర్ ని ఇకపై జేజమ్మంటారేమో.. ఎందుకంటే.. టాలీవుడ్ అందాల భామ అనుష్క నటించిన మూవీ 'అరుందతి' తెలుగులో సంచలన విజయం సాధించింది. దీంతో జేజమ్మగా తిరుగులేని పాపులారిటీని సంపాదించుకుంది అనుష్క. తమిళంలోనూ ఈ సినిమా కలెక్షన్ల వర్షం కురిపించింది. ఇక ఈ సినిమా బాలీవుడ్ తెరపై కనిపించబోతోంది. ఈ సినిమా హిందీ హక్కుల్ని జెమిని ఫిల్మ్ సర్యూట్స్ సంస్థ సొంతం చేసుకుంది. ప్రస్తుతం ఈ చిత్రాన్ని హిందీలో రీమేక్ చేసేందుకు సన్నాహాలు చేస్తున్నారు. ఇక ఈ సినిమాలో అరుంధతిగా అనుష్క పాత్రలో ఎంపిక చేసేందుకు కొంతకాలంగా హీరోయిన్ కోసం వెతికారు. ముందుగా కత్రినాకైఫ్, రాణిముఖర్జీ ఆ పాత్రకోసం రేసులో వున్నారు. తాజా సమాచారం ప్రకారం కరీనాకపూర్ అరుంధతి పాత్రలో నటించే అరుదైన అవకాశాన్ని సొంతం చేసుకుంది.
                హీరోయిన్ ఓరియంటెడ్ సినిమాలు చేయడానికి బాగా ఆసక్తి చూపించే కరీనా ఆ మధ్య ఓ ఇంటర్వ్యూలో 'అరుంధతి'గా అనుష్క నటనకి ఫ్లాటయిపోయాననీ, దాని హిందీ వెర్షన్ లో నటించే అవకాశం వస్తే వదులుకోననీ చెప్పింది. అభినయానికి ప్రాధాన్యత వున్న ఇలాంటి పాత్రను పోషించడం ఓ ఛాలెంజ్ లాంటిది. ‘అరుంధతి’ చిత్రం నా కెరీర్‌లో మరో వైవిధ్యమైన చిత్రమవుతుంది’ అని తెలిపింది. తెలుగులో అఘోరాగా విలన్ పాత్రను పోషించిన సోనూసూద్ అదే పాత్రను హిందీలో చేయబోతున్నాడు. మొత్తంగా కరీనా అరివీరభయంకర రూపాన్ని త్వరలో చూడొచ్చన్నమాట.

...avnk