Posted: 04/13/2012 01:35 PM IST

             దర్శకుడు తేజ సినిమా 'నీకు నాకు డాష్ డాష్' ఇవాళ విడుదలైంది. అయితే ఈ చిత్రం మీద సినీ వర్గాల్లో మిశ్రమ స్పందన వ్యక్తమవుతోంది. కొందరైతే సినిమా నుంచి బయటకొచ్చి హమ్యయ్య సినిమా అయిపోయిందంటూ నిట్టూరుస్తున్నారు.  చాలా కాలంగా సక్సెస్ కోసం ఎదురుచూస్తున్న దర్శకుడు తేజా తాజాగా ఎన్నో ఆశలతో ఈ చిత్రాన్ని పొందించారు. అంతా కొత్త నటీనటులతో లిక్కర్ మాఫియా నేపథ్యంలో ఆయనీ చిత్రాన్ని రూపొందించాడు. బాక్సాఫీస్ వద్ద ఈ సినిమా నిలబడుతుందో లేదో చూడాలి.
           ఇదిలా ఉంచితే, మరో చిత్రానికి సంబంధించిన స్క్రిప్ట్ కూడా తేజా అప్పుడే రెడీ చేసుకున్నాడట. ఈ చిత్రానికి 'దొంగలు' అనే టైటిల్ నిర్ణయించినట్టు తేజానే చెప్పాడు. 'దేశాన్ని దోచుకు తింటున్నారు'  అనేది దీనికి క్యాప్షన్. చిన్న రొమాంటిక్ స్టోరీతో కూడిన పొలిటికల్ థ్రిల్లర్ గా రూపొందించబోయే ఈ సినిమా ప్రస్తుతం మన రాష్ట్రంలో నెలకొన్న రాజకీయ పరిస్థితులకు ఈ సినిమా అద్దం పడుతుందట. తీరు చూస్తుంటే, మొత్తంగా రాజకీయ రంగంపై తేజ సమరశంఖం పూరించినట్టు అగుపడుతుంది.

...avnk