Posted: 04/11/2012 05:15 PM IST

             ప్రిన్స్ మహేష్ బాబు ‘రూలర్’ గా మనముందుకు రాబోతున్నారని సమాచారం అందుతోంది.  తెలుగు సినిమా పాటల్లోని కొన్ని పదాలు ఆ తరువాత సినిమాలకి టైటిల్స్ గా పెట్టడమనేది ఎప్పటినుంచో జరుగుతూ వస్తోంది. మహేష్ బాబు - కాజల్ జంటగా నటించిన 'బిజినెస్ మేన్' చిత్రంలో 'సారొస్తా రొస్తారా ...' అనే పాట జనంలోకి దూసుకు పోయింది.  దాంతో ఇప్పుడు ఈ పాటలోని 'సార్ వస్తారు' అనే పదాన్ని రవితేజా సినిమాకి టైటిల్ గా పెట్టేశారు. ఇక ఎన్టీఆర్ 'దమ్ము' సినిమా ఆడియో మొన్నీ మధ్యనే విడుదలైంది. ఈ సినిమాలో ఎన్టీఆర్ హీరోయిజాన్నిదృష్టిలో పెట్టుకుని రాసిన 'రూలర్' సాంగు ఎంత పాప్యులర్ అయిందో అందరికీ తెలిసిందే. పవర్ ఫుల్ గా ఉన్న ఈ 'రూలర్' పదాన్ని మహేష్ బాబు తదుపరి సినిమాకి టైటిల్ గా పెట్టబోతున్నట్టు సమాచారం. 
         మహేష్ బాబు సినిమా కోసం ఈ టైటిల్ ని నిర్మాత బూరుగుపల్లి శివరామ కృష్ణ  హైదరాబాద్ ఫిల్మ్ చాంబర్ లో రిజిస్టర్ చేయించినట్టు తెలుస్తోంది. ఈ సినిమాకి బోయపాటి శ్రీను దర్శకత్వం వహించనున్నట్టు భోగట్టా.

...avnk