Posted: 03/29/2012 03:28 PM IST

            విభిన్న సినిమాలను తెరకెక్కించి విజయం సాధించిన క్రిష్ దర్శకత్వంలో 'కృష్ణం వందే జగద్గురుం' చిత్రం రూపొందుతోంది. ప్రస్తుతం ఈ సినిమా షూటింగ్ హైదరాబాద్ లోని రామోజీ ఫిల్మ్ సిటీలో జరుగుతోంది. ఈ సినిమాలో బీటెక్ బాబుగా రానా ... దేవికగా నయనతార ప్రధానపాత్రలు పోషిస్తోన్నారు. వీరి కాంబినేషన్లోని కొన్ని కీలకమైన సన్నివేశాలను క్రిష్ తెరకెక్కిస్తున్నారు.
             చిత్రానికి సంబంధించిన పలు కీలక విషయాలను క్రిష్ ఈ సందర్భంలో వెల్లడించారు. ఈ సినిమాలో రానా పాత్ర మాస్ టచ్ తోనూ, నయనతార పాత్ర క్లాస్ గాను ఉంటుందని చెప్పారు. భిన్న ధృవాలుగా ప్రవర్తించే వీరిద్దరి మధ్య, బంధమనేది ఏర్పడటానికి దారితీసిన పరిస్థితులేంటనే కథాంశంతో ఈ సినిమా తెరకెక్కుతోందని అన్నారు.
             గతంలో తాను దర్శకత్వం వహించిన 'గమ్యం' చిత్రంలో జానకి పాత్ర, 'వేదం'లో సరోజ పాత్ర  ప్రేక్షకులకి ఎలా గుర్తుండిపోయిందో ఈ సినిమాలో నయనతార పోషిస్తోన్న దేవిక పాత్ర కూడా అలానే గుర్తుండి పోతుందని క్రిష్ అంటున్నారు.

...avnk