Posted: 03/28/2012 05:15 PM IST

           పవర్ స్టార్ పవన్ కళ్యాణ్ కోసం సుప్రసిద్ధ సంచలన చిత్రాలు అందించిన శంకర్ ఎదురు చూస్తున్నారా అంటే..  అవుననే... ఫిలింనగర్‌ లో వార్తలు విన్పిస్తున్నాయి.. పవన్‌కళ్యాణ్‌ గబ్బర్‌సింగ్‌ కోసం ఫ్యాన్స్‌ ఎదురుచూస్తున్నట్లే... తమిళ శంకర్‌ పవన్ కళ్యాణ్ డేట్స్‌ కోసం ఎదురుచూస్తున్నట్లు తెలిసింది.
            గబ్బర్‌సింగ్‌ రిలీజ్‌ ప్రమోషన్‌తోపాటు పూరీ జగన్నాథ్‌ 'కెమెరామెన్‌ గంగతో రాంబాబు' షూటింగ్‌ కూడా డేట్స్‌ ఇచ్చేసిన పవన్‌కళ్యాణ్‌ తాజాగా శంకర్‌ చిత్రంలో చేస్తున్నట్లు తెలిసింది. శంకర్‌ అతనితో 'ఒకే ఒక్కడు' సీక్వెల్‌ రూపొందించాలని అనుకున్నట్లు సమాచారం.
             దీనికోసం కసరత్తు జరుగుతోందట. అందులో అర్జున్‌ పాత్ర మలిచిన తీరు ఎంతగానో ఆకట్టుకుంది. ప్రస్తుతం దేశంలో జరుగుతున్న అవినీతి, అక్రమాలు ఇందులో చర్చించనున్నట్లు తెలిసింది. దేశ రక్షణదళంలోనూ అవినీతికూడా పేరుకుపోయిన తరుణంలో అటువంటి కాన్సెప్ట్‌ ను పవన్‌కళ్యాణ్‌ వంటి స్ట్రెయిట్‌ ఫార్వాడ్‌ వ్యక్తే సూటవుతారని శంకర్‌ అతన్ని ఎంపికచేసినట్లు సమాచారం. అసలు శంకర్ సినిమాలంటేనే యావత్ దేశం ఆత్రంగా ఎదురుచూస్తుంది. ఇక దీనికి పవర్ స్టార్ కూడా జోడైతే ఇక ఎంత ఓల్టేజ్ కరెంట్ పుడుతుందో...

...avnk