Posted: 03/16/2012 01:08 PM IST

           సూపర్‌స్టార్‌ రజినీకాంత్‌, దీపికాపదుకొనే జంటగా రజినీ కుమార్తె సౌందర్య ఆర్‌ అశ్విన్‌ దర్శకత్వంలో రూపొందునున్న యానిమేషన్‌ చిత్రం 'కొచ్చడియాన్‌'. ఈ భారీ సినిమాను ఈనెల 21న చెన్నరు ఎవిఎం స్టూడియోస్‌లో లాంఛనంగా ప్రారంభించబోతున్నారు.  ఈ చిత్రానికి ప్రముఖదర్శకుడు కెఎస్‌.రవికుమార్‌ కధను అందించగా యూరోస్‌ ఇంటర్నేషనల్‌ సంస్ద,  సౌందర్య సంయుక్తంగా నిర్మించనున్నారు.
           ఇటీవల రజినీ అనారోగ్యం బారిన పడిన అనంతరం నటిస్తోన్న సినిమా ఇదే కావటం విశేషం. ఈ యానిమేషన్‌ మూవీ కోసం దేశీయ సినీచరిత్రలో మొట్టమొదటి సారిగా మోషన్‌ కాప్చర్డ్‌ టెక్నాలజీని (ఎంఓసిఏపి) విధానాన్ని వాడనున్నారు. తద్వారా చిత్రంలోని యానిమేషన్‌ పాత్రలన్నీ 3డిలో మరింత స్పష్టంగా కనిపిస్తాయి. రజినీకాంత్‌ నటించనున్న సన్నివేశాలను స్టూడియోలో వేసిన సెట్టింగులలో 80 కెమెరాలతో చిత్రీకరించనున్నారు. అనంతరం షూటింగ్‌ మొత్తం యుకెలో నిర్వహించనున్నారు.
          ఈ చిత్రంలో మరో విశేషమేమిటంటే, సూపర్ స్టార్ రజిని కాంత్ “కొచ్చాడియన్” చిత్రం కోసం ఒక పాట పాడారు. ప్రముఖ గేయ రచయిత వైరముత్తు ఈ పాటకు సాహిత్యం అందించారు. సంగీత మాయాజాలికుడు ఏ ఆర్ రెహ్మాన్ , చిత్ర దర్శకురాలు సౌందర్య మరియు వైరముత్తు ఈ రికార్డింగ్ లో పాల్గొన్నారు. తన ఇరవై ఏళ్ల సినీ చరిత్ర లో రజినీకాంత్ పాట పాడటం ఇదే మొదటి సారి. 1992 లో “మన్నన్” అనే చిత్రం లో ఒక పాటకు రజిని కాంత్ తన స్వరాన్ని అందించారు. అల్లుడు పాటిన కొలవెరీ యావత్ దేశానికీ కిక్కెక్కిస్తే, మరి మామ పాట ఏంచేస్తుందో చూడాలి.

...avnk