Posted: 03/04/2012 05:29 PM IST

           గత మూడు దశాబ్దాలుగా తెలుగు, కన్నడ, తమిళ భాషల్లో నటిస్తూ, యాక్షన్‌ కింగ్‌  పేరు తెచ్చుకున్న నటుడు అర్జున్‌. త్వరలో తన 150వ చిత్రాన్ని ఇంతవరకూ ఎన్నడూ లేని కథాంశంతో తెరకెక్కించబోతున్నారు. తెలుగ, తమిళ, కన్నడ భాషల్లో తెరకెక్కుతున్న ఈ చిత్రానికి 'ప్రసాద్‌' అనే టైటిల్ ఖరారు చేశారు.
          శారీరక అవలక్షణాలను అధిగమించి జీవితంలో ఎలా పైకి రావాలన్న ఇతివృత్తంతో సాగుతుందీసినిమా.  ఇందులో అర్జున్‌ ఓ మోటార్‌ మెకానిక్‌గా కనిపించనున్నాడు. పుట్టబోయే బిడ్డ గురించి ఎన్నో కలలు కంటూ ఉంటాడు. అయితే వినికిడి లోపం, మూగ వంటి శారీరక అవలక్షణాలతో బిడ్డ పుడతాడు. మరి ఆ బిడ్డని ఆ తండ్రి ఎలా తీర్చిదిద్దాడన్నదే చిత్ర కథ.
         ఇందులో అర్జున్‌ తనయుడిగా అటువంటి లక్షణాలే వున్న సంకల్ప్‌ అనే కుర్రాడు నటిస్తున్నాడు. దీనిని అవార్డు దక్కించుకునే సినిమాగా చిత్రవర్గాలు అంచనావేస్తున్నాయి.

...avnk