Posted: 03/02/2012 01:34 PM IST

ప్రేమ కథా చిత్రాల దర్శకుడు రూపొందించిన, స్టైలిష్ స్టార్ అల్లు అర్జున్ నటించిన ‘ఆర్య’ సినిమా ఎంత పెద్ద హిట్ అయ్యిందో వేరే చెప్పనక్కర్లేదు. ఈ సినిమాలో అలనాటి అందాల తార అనురాధ కూతురు ‘అభియన శ్రీ’ నర్తించిన ‘అ... అంటే... అమలాపురం’ అనే పాట కుర్రకారును ఎంత ఉత్సాహపరిచిందో మనకు తెలిసిందే. అయితే ఇప్పుడు అదే పాటలో బాలీవుడ్ సెక్సీ తార మల్లికాశెరావత్ నర్తించబోతుందని సమాచారం.

ఈ పాటను బాలీవుడ్ లో సోనూసూద్ నిర్మంచబోయే ‘లక్కీ అన్ లక్కీ’ అనే చిత్రంలో వాడుకోవాలని అనుకున్నాడట. ఈ ట్యూన్ కి సంబంధించిన హక్కులను మ్యూజిక్ డైరెక్టర్ దేవీ శ్రీ ప్రసాద్ దగ్గర నుండి పొందినట్లు కూడా వార్తలు వస్తున్నాయి. మల్లికా శెరావత్ బాలీవుడ్ జనాలను ఈ పాటతో ఏ రేంజ్ లో మత్తక్కిస్తుందో చూడాలి.