Posted: 02/25/2012 04:20 PM IST

బాలీవుడ్ లో మాధవన్ – కంగనా రనౌత్ జంటగా నటించిన సినిమా ‘తనూ వెడ్స్ మనూ’ అక్కడ మంచి విజయాన్ని సాధించింది. అయితే ఈ సినిమాని తెలుగులో సునీల్ హీరోగా రీమేక్ చేయబోతున్న విషయం తెలిసిందే. అయితే ఈ చిత్రానికి తెలుగులో ‘సీతా వెడ్స్ రాముడు’ అనే టైటిల్ ని ఖరారు చేసినట్లు తెలుస్తుంది. సూపర్ గుడ్ ఫిలింమ్ పతాకం పై నిర్మించబోతున్న ఈసినిమాకి దేవీ ప్రసాద్ దర్శకత్వం వహించబోతున్నారు.

ఈ సినిమాలో సునీల్ కి సరసన పూలరంగడు సినిమాతో సునీల్ కి ఫర్ ఫెక్ట జోడి అనిపించుకున్న ఇషా చావ్లానే ఖరారు చేశారు. పూలరంగడు సినిమాతో హిట్ ఫెయిర్ గా పేరు తెచ్చుకున్న ఈ జంట మరో సారి కలిసి నటించబోతుంది. ఈ సినిమా షూటింగ్ ఈ నెల 26 నుంచి ప్రారంభం కాబోతోంది. 'పూలరంగడు' విజయంతో మాంఛి ఊపుమీదున్న సునీల్, ఇకపై హీరోగానే తన కెరియర్ ని కొనసాగించనున్నట్టు తెలుస్తోంది. అతను భారీ స్థాయిలో తన పారితోషికాన్ని పెంచడం కూడా ఈ వార్తలకి మరింత బలాన్ని చేకూరుస్తోంది. అయితే హీరోగా చేయనున్న ఏ సినిమాలోనైనా తన మార్కు కామెడీ తగ్గకుండా సునీల్ జాగ్రత్తలు తీసుకుంటున్నాడని అంటున్నారు.