Posted: 02/13/2012 07:30 PM IST

          హైదరాబాదులోని మూవీ లవ్వర్స్ కి ప్రేమికుల రోజు సందర్భంగా బంపర్ ఆఫర్.  (ఫిబ్రవరి 14) న ఇటీవల విడుదలైన 'ఋషి' సినిమాను హైదరాబాదులోని ప్రసాద్ ఐమాక్స్ మల్టీప్లెక్స్ దియేటర్లలో అన్ని షోలూ ఉచితంగా ప్రదర్శిస్తున్నారు. లవ్వర్స్ ఎవరైనా సరే వెళ్లి ఈ సినిమాను ఫ్రీగా చూడచ్చని చిత్ర నిర్మాత ప్రసాద్ ప్రొడక్షన్స్ అధినేత రమేష్ ప్రసాద్ ఈ రోజు మీడియాకు తెలియజేశారు.
           ఒకవేళ సినిమా నచ్చితే, ప్రేక్షకులు డబ్బులివ్వచ్చనీ, ఇవ్వకపోయినా ఫరవాలేదనీ ఆయన నవ్వుతూ చెప్పారు. ఈ అవకాశాన్ని మూవీ లవ్వర్స్ అందరూ సద్వినియోగం చేసుకోవాలని ఆయన కోరారు. ఈ 'ఋషి' సినిమాకు యువత నుంచి మంచి ఆదరణ వస్తోందన్నారు.
రాజ్ మాదిరాజు దర్శకత్వంలో రూపొందిన ఈ చిత్రంలో అరవింద్ కృష్ణ, సుప్రియ శైలజ జంటగా నటించారు.

..avnk