Posted: 02/01/2012 08:19 PM IST

మంచి నటుడిగానే కాదు.. తన పాత్ర కోసం ఎంతో శ్రమించే గుణం ఉన్న హీరో అని అంతా కీర్తించే స్టార్ అల్లు అర్జున్. సినిమాలకే పరిమితం కాదు బన్నీ పరిది. అటు వాణిజ్య ప్రకటనల్లోనూ అల్లు అర్జున్ ది ప్రత్యేక స్థానం. ఇది 7 అప్ యాడ్ చూస్తే అవగతమవుతుంది.

తాజాగా బన్నీ.. ఆంధ్ర ప్రదేశ్ లో “కాల్గేట్” టూత్ పేస్ట్ కి బ్రాండ్ అంబాసడర్ గా చెయ్యబోతున్నారు. కాల్గేట్ మాక్స్ ఫ్రెష్ ని అల్లు అర్జున్ ఇక పై ప్రమోట్ చేయబోతున్నాడు. ఈ విషయాన్నీ కాల్గేట్ కంపెనీ ద్రువీకరించింది. ప్రస్తుతం లవాదీవిలు కొనసాగుతున్నాయని, మార్కెటింగ్ వైస్ ప్రెసిడెంట్ రేఖా రావు వెల్లడించారు. కాల్గేట్ మాక్స్ ఫ్రెష్ పూర్తిగా యువతను ద్రుష్టిలో ఉంచుకుని రూపొందించామన్నారు. అల్లు అర్జున్ ని మా బ్రాండ్ అంబాసడర్ గా చేస్తున్నందుకు మాకు చాలా ఆనందంగా ఉందని రేఖారావు అన్నారు. 

కాల్గేట్ లాంటి కంపెనీకి బ్రాండ్ అంబాసడర్ గా చేస్తున్నందుకు చాలా సంతోషంగా ఉంది. యువత తో కలవడానికి ఇదొక మంచి అవకాశమని బన్నీ అంటున్నాడు.

...avnk