Posted: 01/28/2012 08:06 PM IST

           సెలబ్రిటీ క్రికెట్ లీగ్(సీసీఎల్)లో తెలుగువారియర్స్ హవా కొనసాగుతోంది. టోర్నీలో భాగంగా ఇవాళ (శనివారం) బెంగుళూరులో  జరిగిన మూడో మ్యాచ్ లో సూపర్ స్టార్ మోహన్‌లాల్ నేతృత్వంలోని కేరళ స్ట్రైకర్స్ పై విక్టరీ వెంకటేశ్ సారధ్యంలోని తెలుగు వారియర్స్ 9 వికెట్ల తేడాతో విజయదుందుభి మ్రోగించింది.          

          కేరళ నిర్దేశించిన 95 పరుగుల లక్ష్యాన్నివిక్టరీ వెంకటేష్ నేత్రుత్వంలోని తెలుగువారియర్స్ 15.1 ఓవర్లలోనే ఛేదించింది. వారియర్స్ జట్టు ఒక వికెట్ కోల్పోయి 98 పరుగులు చేయగా, ఆదర్శ్ 52, తరుణ్ 27 పరుగులతో నాటౌట్ గా నిలిచారు. ముందుగా బ్యాటింగ్ చేసిన కేరళ జట్టు నిర్ణీత 20 ఓవర్లలో 9 వికెట్లు కోల్పోయ 94 పరుగులు మాత్రమే చేయగలిగింది.         

         ఈ విజయంతో తెలుగు వారియర్స్ ఐదు పాయింట్లతో అగ్రస్థానంలో కొనసాగుతోంది. ముంబై హీరోస్‌తో షార్జాలో జరిగిన వారియర్స్ తొలి మ్యాచ్ ‘టై’గా ముగియగా... హైదరాబాద్‌లో జరిగిన తమ రెండో మ్యాచ్‌లో తెలుగు జట్టు నాలుగు వికెట్ల తేడాతో కర్ణాటక బుల్ డోజర్స్‌ను ఓడించిన సంగతి తెలిసిందే. 

 …avnk