Posted: 01/20/2012 05:11 PM IST

గత కొన్ని రోజుల నుండి మీడియా గాలి వార్తలకు తెరపనుంది. .. క్యూట్ బేబీ జెన్నీలియా పెళ్ళి చేసుకునే తేది ఖారారైంది. ఫిబ్రవరి 3 వివాహం, 4వ తేదీన రిసెప్షన్ కి తేదీలు ఖరారు చేశారు. పెళ్ళికి తేదీ దగ్గర పడటంతో పెళ్ళికి సంబంధించిన ఏర్పాటు చకచకా జరుగుతున్నాయి. చిరకాల ప్రేమికులైన జెన్నీ, రితేష్ జంట పెద్దల అంగీకారంతోనే వివాహం చేసుకుంటోంది. వీరి వివాహం అంగరంగ వైభవంగా జరుగనుంది. ఈ వేడుకలో భాగంగా, జనవరి 31 న ముంబై బాంద్రాలోని ‘ల్యాండ్స్ ఎండ్’ హోటల్ లో సంగీత్ కార్యక్రమం ఏర్పాటు చేశారు. ఇక ఫిబ్రవరి 3 న వివాహం, 4 న మేరేజ్ రిసెప్షన్ శాంతా క్రూజ్ లోని ‘గ్రాండ్ హైయత్’ హోటల్ లో జరుగుతాయి. వివాహం అయ్యాక జెనీలియా, రితేష్ జంట ఓ నెల రోజుల పాటు హనీమూన్ చేసి వస్తారు.

చిరకాల ప్రేమికులుగా ఉండి పెళ్ళి చేసుకోబోతున్న ఈ జంటకి ఈ నెల  24 న రితేష్ స్నేహితులు సాజిద్ నడియాడ్ వాలా, ఫర్దీన్ ఖాన్ కలిసి సంయుక్తంగా బాంద్రాలోని రాయల్టీ హోటల్ లో ఈ జంటకు ముందస్తు పార్టీ చేశారని సమాచారం. ఈ వేడుకకు బాలీవుడ్ ప్రముఖులు పలువురు హాజరబోతున్నారని సమాచారం.