Posted: 01/18/2012 03:15 PM IST

తెలుగులో ఫ్యామిలీ హీరోగా పేరు తెచ్చుకొని ప్రేక్షకులకు దగ్గరయిన హీరో వెంకటేష్. ఆ మధ్యన ‘నాగవల్లి’ సినిమా చేసి చేతులు కాల్చుకున్న వెంకటేష్ హిందీలో సల్మాన్ ఖాన్ నటించిన ‘బాడీగార్డ్’ సినిమాని తెలుగులో రీమేక్ చేశాడు. నాగవల్లి సినిమా ఆడకపోవడంలో నిరుత్సాహ పడిన వెంకీకి కొంత ఊరట లభించింది. సంక్రాంతికి విడుదలైన 'బాడీగార్డ్' చిత్రం ప్రేక్షకాభిమానాన్ని పొందుతూ సక్సెస్ బాటలో పయనిస్తుంది. ఈ సందర్భంగా ఈ రోజు హైదరాబాదులో చిత్రం యూనిట్ సక్సెస్ మీట్ ఏర్పాటు చేశారు. ఈ చిత్రాన్ని హిందీలో చేసిన బాలీవుడ్ నటుడు సల్మాన్ ఖాన్ తెలుగు వెర్షన్ చూసి, బాగా నటించావంటూ అభినందించాడని వెంకీ అంటున్నారు. అయితే సినీ జనాలు మాత్రం హిందీ బాడీగార్డ్ తెలుగు బాడీగార్డ్ ని మెచ్చుకున్నాడని అంటున్నారు. ఏది ఏమైనా వెంకీ ఖాతాలో మరో విజయం వచ్చి చేరిందని చెప్పవచ్చు.