Posted: 01/06/2012 09:56 AM IST

బాలీవుడ్ ప్రేక్షకులకు తన మత్తెకించే అందాలను చూపించి సంబరపడాలనుకొంటుంది పాప్ సన్సేషన్ లేడీ గాగ. ముంబై ఫిల్మ్ ఇండస్ర్టీ తన కెంతో స్పూర్తి నిచ్చిందని, అక్కడ ఓ మూవీలో నటించాలని ఉందని తన ట్విట్టర్ ద్వారా సమాచార మిచ్చింది.

 

ఇటీవల పారిస్ లో మనవాళ్లు చేసిన ఓ ప్రదర్శన చూసాక బాలీవుడ్ మీద పిచ్చి ప్రేమ రగిలిపోతుందట ఈ సెక్సీ బ్యూటీకి. అంతేకాదు, త్వరలోనే భారత్ లో పర్యటిస్తానని అక్కడి అభిమానులకోసం ఫ్రీ షో ఇస్తానని కూడా సెలవిచ్చింది. ఆహా.. ఏమి మన భాగ్యమూ..

 

`పోకర్ ఫేస్` ఆల్బంతో సంగీత ప్రియులను కుదిపేసిన గాగ,.అక్టోబర్లో భారత్ వచ్చిన సంగతి తెలిసిందే. ఈ సందర్భంలో బాలీవుడ్ స్టార్స్ షారూఖ్, అర్జున్ రాంపాల్ తో కలిసి చిందేసింది. భారతీయ సంగీతం, ఆచారాలు, సంస్ర్కతి సంప్రదాయాలు నన్నెంతో ప్రభావితం చేసాయంటోన్న ఈ పాప్ సంచలన తార మాటలు మనకెంతో గర్వకారణం కదా...