Posted: 12/18/2011 01:02 PM IST

'ద డర్టీ పిక్చర్' చిత్రంతో ఒక్కసారిగా హాట్‌గాళ్‌గా మారిపోయిన విద్యాబాలన్ నటించే తదుపరి చిత్రంపై ప్రేక్షకుల్లో ఆసక్తి నెలకొంది. ఇటీవల విడుదలైన డర్టీ పిక్చర్ భారీ కలెక్షన్లు వసూలు చేసింది. ఈ చిత్రం ఇప్పటికే రూ.50 కోట్లకు పైగా వసూలు చేసి బాలీవుడ్‌లో మిగతా చిత్రాలకు తన సత్తా ఏమిటో చూపింది.ఈ సినిమా వంద రోజులకు రూ.వంద కోట్లు వసూలు చేస్తుందని బాలీవుడ్ వర్గాలంటున్నాయి. అనూహ్యంగా వచ్చిన ఈ క్రేజ్‌తో విద్యాబాలన్ తన పారితోషికాన్ని అమాంతంగా పెంచేసిందట. నటించబోయే కొత్త సినిమా 'కహానీ'కి రూ.7 కోట్లు డిమాండ్ చేసిందట ఈ అందాల భామ. ఇప్పటి వరకు ఇంత భారీస్థాయిలో పారితోషికాన్ని తీసుకున్న హీరోయిన్ బాలీవుడ్‌లో లేరట. ఆ మధ్య 'హీరోయిన్' చిత్రానికి కరీనాకపూర్ రూ.10 కోట్లు డిమాండ్ చేసినట్లు వార్తొలొచ్చాయి. అయితే ఇది నిజం కాదని కరీనా ఖండించింది. ఇప్పుడు విద్యా భారీస్థాయిలో పారితోషికం తీసుకుంటున్నట్లు బాలీవుడ్‌లో ప్రచారం జరుగుతోంది. ఈ సినిమాలో విద్యాబాలన్ గర్భిణీగా కనిపిస్తుందట. సుజయ్‌గోష్ స్వీయదర్శకత్వంలో నిర్మించే ఈ చిత్రం త్వరలోనే సెట్స్‌మీదకు వెళ్ళనుంది. మరి ఈ చిత్రంలో విద్యాబాలన్ తన అందాలను ఏ మాత్రం ఒలకబోస్తుందో వేచి చూడాలి.