Posted: 12/12/2011 02:26 PM IST

సినిమా రంగంలో ఓ హిట్టు పడితే చాలు..చక్కనమ్మలు ఇట్టే చెట్టెక్కి కూచుంటారు! జీతభత్యం, సదుపాయం, సౌకర్యం..అన్నిటా రేంజ్‌ ఒక్కసారిగా పెంచేస్తారు. ఈ విషయంలో ఉత్తరాది నాయిక, దక్షిణాది నాయిక అనే తేడా లేనే లేదు. ప్రస్తుతం బాలీవుడ్‌లో హీరోలకు తీసిపోని రెమ్యునరేషన్‌ లాగేస్తున్న ముద్దుగుమ్మలెవరు? హీరోల్ని మించిన ఇమేజ్‌ ఉన్న నాయికలు ఎవరు? అని ప్రశ్నించుకుంటే.. ఠక్కున స్ఫురించే బాలీవుడ్‌ నాయికల పేర్లు -కేట్‌, బెబో. ఓ సినిమాకి ఈ ముద్దుగుమ్మలు 20కోట్ల పైగా మొత్తాన్ని అందుకుంటున్నారనేది తాజా సమాచారం.

 అయితే రెమ్యునరేషన్‌లో బెబో కరీనాకపూర్‌ కత్రిన కంటే ఎక్కువ అందుకుంటోందనే చర్చ కూడా సాగుతోంది. ఏడాది కిందట ‘గోల్‌మాల్‌ 3’ కోసం బెబో కేవలం రూ.3.5కోట్లు అందుకుంది. ఆ తర్వాత అనూహ్యంగా రూ.5కోట్లకు పెంచేయడమే గాక సినిమా లాభాల్లోనూ వాటా తీసుకుంటోంది. ప్రస్తుతం విష్ణు భగ్నాని దర్శకత్వం వహించే ఓ సినిమా కోసం ఏకంగా రూ.20కోట్లు అందుకుంటోందనీ వార్తలొస్తున్నాయి.