Posted: 12/05/2011 06:28 PM IST

జయం రవి కథానాయకుడిగా తమిళంలో అందరి అభినందనలను అందుకున్న చిత్రాన్ని సుప్రసిద్ధ నిర్మాత వాసిరెడ్డి పద్మాకరరావు తెలుగులో ‘పగ’ పేరుతో తెలుగులో అనువదించారు. ఈ చిత్రాన్ని ప్రముఖ తమిళ దర్శకుడు లింగుస్వామి నిర్మాతగా తమిళంలో నిర్మించగా తెలుగు ప్రేక్షకులకు ప్రముఖ నిర్మాత కె.ప్రకాష్‌రెడ్డి అందిస్తున్నారు. ఈ సందర్భంగా నిర్మాత ప్రకాష్‌రెడ్డి మాట్లాడుతూ ‘ప్రేమ నేపథ్యంలో సాగే మాస్‌ మసాలా చిత్రం.జయం రవి అద్భుతమైన పోరాటాల్ని చక్కగా చేశారు. భావన కథానాయిక. ప్రస్తుతం డిటిఎస్‌ పనులు జరుగుతున్నాయి. డిసెంబర్‌ 10కి ఫస్ట్‌కాపీ వస్తుంది. క్రిస్మస్‌కుగానీ జనవరి 1న గానీ విడుదల చేస్తాం’ అన్నారు. చిత్ర సమర్పకుడు వాసిరెడ్డి పద్మాకరరావు మాట్లాడుతూ ‘ఈ చిత్రంలో హీరో రవి చేసిన ఫైట్లు, పాటలు అలరిస్తాయి. సంగీత దర్శకుడు యువన్‌ శంకర్‌రాజా మంచి స్వరాలు ఇచ్చారు’ అన్నారు.