Posted: 11/30/2011 08:52 PM IST

ప్రతి ఒక్కరు జీవితంలో ఏదో సాధించాలని కలగంటారు. నా కల ఈ సినిమాతో నిజమైంది’’ అన్నారు పావని రెడ్డి. ఈ సొగసరి కొమ్మ కథానాయికగా నటించిన చిత్రం ‘డ్రీమ్‌’. డారాజేంద్రప్రసాద్‌ కథానాయకుడు. కైపస్‌ ఫిల్మ్‌ ప్రొడక్షన్స్‌ సంస్థ నిర్మిస్తోంది. భవానీ శంకర్‌ దర్శకుడు. పావని మరిన్ని సంగతులు చెబుతూ ‘‘నీ గ్లామర్‌ నీ నటనలోనే ఉందని ప్రశంసించారు హీరో రాజేంద్రప్రసాద్‌. తొలి సినిమానే ఆయనతో చేయడం అదృష్టం. నా పాత్రకి రాజేంద్రుని పాత్రతో సంబంధం ఏమిటో సినిమా పూర్తయ్యేవరకూ ఊహించలేరు ఎవరూ. థ్రిల్లింగ్‌ సినిమా ఇది. వైవిధ్యమైన లుక్‌తో ప్రత్యేకంగా కనిపిస్తాను. ప్రతి ఒక్కరికి థ్రిల్‌ దక్కుతుంది’’ అని విడమర్చింది. ఈ చిత్రానికి కెమెరా: రవికుమార్‌ నీర్ల, సంగీతం: సంతోష్‌, ఎడిటింగ్‌: బస్వా పైడిరెడ్డి, కళ: రమణ.