వంటికి వ్యాయామం మంచిదే... కానీ

Posted: 01/07/2016 04:31 PM IST

Actually excercises are useful for us but

వంటికి యోగా ఏంటి... ఏ వ్యాయామం అయినా మంచిదే... కానీ యోగా తో శారీరిక మానసిక ఆరోగ్యం కూడా మెరుగవుతుంది... సరే, మీకున్న సౌకర్యాలని బట్టీ, ఇంట్రెస్ట్ ని బట్టి, ఎటువంటి విధమైన వ్యాయామం చేసినా, అనుకున్నంత త్వరగా ఫలితం మాత్రం పొందలేకపోతున్నారా? శ్రమ సేం కానీ రిజల్ట్ నాట్ సేం... ఎందుకిలా? మనకి తెలియకుండా ఏమైనా లోపం చేస్తున్నామా? పోనీ, ఇప్పుడు తెలుసుకునే ప్రయత్నం చేద్దామా?

* పరగడుపున వ్యాయామం చెయ్యడానికి ఇష్టపడతాం మనం. కానీ కనీసం నిమ్మకాయ తేనె కలిపిన రసం, ఒక యాపిల్ అయిన తీసుకుని, వ్యాయామం చెయ్యమని ఎక్స్పర్ట్స్ ఏ సూచిస్తున్నారు... ప్రత్యేకించి బరువు తగ్గాలి అనుకునే వారు, ఇలా చెయ్యడం వల్ల, చక్కని ఫలితాలు ఉండటం తో పాటు, మరింత ఎక్కువ వ్యాయామం చెయ్యడానికి, వ్యాయామానంతరం అలసిపోకుండా ఉండటానికి ఆస్కారం ఉంటుంది... అలాగే, శరీరం లో కొవ్వు కరిగి, స్కిన్ సాగ్ అవ్వకుండా, గట్టిపడుతుంది...

* సాయంకాలం పూట వ్యాయామం చేసే వారు, 5 నుంచీ 7 గంటల సమయం మధ్యలో వ్యాయామం చేసి, ఒక గంట తరువాత, మితంగా భోజనం చేసి, నిద్రకు ఉపక్రమిస్తే మంచిది... ఏ 8 గంటల రాత్రికో వ్యాయామం చేస్తే, రోజంతా పని చేసి అలసిపోయిన వొళ్ళు, వ్యాయామానికి పెద్దగా స్పందించకపోవచ్చు.

* నిద్రకు ఉపక్రమించే ఒక మూడు గంటల ముందు మితంగా ఆహారం, ఎక్కువశాతం 2/3 పుల్కాలు, కూర తీసుకుని ఆతరువాత ఏమీ తినకూడదు... అంతగా ఆకలి వేస్తె, నిద్ర పోయేముందు, ఒక గ్లాసు గోరువెచ్చని పాలో, లేక మజ్జిగో తీసుకోవాలి. పడుకునేటప్పుడే లైట్ గా ఆకలి వేస్తూ ఉన్నట్టుగా ఉండాలి. ఆహారాన్ని శరీరం జీర్ణం చేసుకున్న తరువాత, మనం జీర్నాశయానికి పని ఇవ్వకపోతే, శరీరంలోని కొవ్వుని కరిగించే విధంగా పని చేస్తుంది మన సిస్టం.

చివరిగా ఇంకో సలహా... ఏదో అమాంతం బరువు తగ్గిపోవాలి, నాజూకుగా ఉండాలి అన్న స్ట్రెస్ తో కాకుండా, వ్యాయామాన్ని ఎంజాయ్ చేస్తూ చేస్తే, ఊహించని అద్భుత ఫలితాలు, మీ సొంతం అవుతాయి!

*సునయన బాదం*