మృదువైన ముఖచర్మం పొందాలంటే...

Posted: 10/17/2015 12:51 PM IST

వాతావరణం కాలుష్యం కారణంగా చర్మ సంబంధిత సమస్యల్ని ఎదుర్కోవాల్సి వస్తుంది. ముఖ్యంగా.. చర్మం మృదువుతనం కోల్పోయి ఆ తర్వాత సౌందర్యం తగ్గిపోతుంది. అలాకాకుండాచర్మం మృదువుతనం కోల్పోకుండా వుండాలంటే కొన్ని చిట్కాలు పాటిస్తే సరిపోతుంది. ఆ చిట్కాలను రెగ్యులర్ గా పాటించడం వల్ల మృదువుదనంతోపాటు చర్మసౌందర్యం మరింత పెరుగుతుంది. మరి.. ఆ చిట్కాలేంటో తెలుసుకుందామా..

* ప్రతిరోజూ రాత్రివేళల్లో నిద్రపోయే ముందు ముఖానికి కొద్దిగా పాలమీగడను రాసుకుని, బాగా మర్దన చేయాలి. అలాగే పడుకుని, తర్వాత రోజు ఉదయం కడిగేసుకోవాలి. ఇలా కొన్ని రోజులు చేయడం వల్ల ముఖంపై చర్మం మృధువు ఆరోగ్యంగా కనిపిస్తుంది.
* రాత్రివేళల్లో నిద్రపోయే ముందు కొద్దిగా ఆలివ్ నూనెను తీసుకుని, ముఖానికి పట్టించి కాసేపు మర్దన చేసుకోవాలి. తర్వాతి రోజూ ఉదయం ముఖం తాజాగా, కోమలంగా కనిపిస్తుంది. ఇలా రెగ్యులర్ గా చేస్తే ఎంతో శ్రేయస్కరం.
* సాధారణంగా కొందరికి పొద్దున్నే నిద్రలేవగానే ముఖం ఉబ్బినట్టుగా ఉంటుంది. ఆ సమస్యను తగ్గించుకోవాలంటే రాత్రి పూట తీసుకునే భోజనంలో ఉప్పు శాతం తక్కువగా ఉండేలా చూసుకోవాలి.
* రాత్రి పడుకునే ముందు ముఖాన్ని శుభ్రం చేసుకోవడం తప్పనిసరి. ముఖ్యంగా ముఖానికీ, కంటి భాగంలో ఏదయినా మేకప్ వేసుకుంటే దాన్ని తప్పనిసరిగా తొలగించుకోవాలి. తరువాత కొద్దిగా మాయిశ్చరైజర్‌ని ముఖానికి రాసుకోవాలి. ముఖం కడుక్కున్న వెంటనే రాసుకోవడం వల్ల చర్మం ఆరోగ్యంగా ఉంటుంది.
* గంధం పొడిలో చెంచా పాలు, రెండు చుక్కల తేనె కలపాలి. దీన్ని ముఖం, మెడ, చేతులకు పట్టించాలి. ఆరిన తర్వాత మృదువుగా మర్దన చేస్తూ చల్లని నీటితో కడుకోవాలి. ఇలా చేయడం వల్ల చర్మం నిగనిగలాడుతుంది.