వంకర్లు తిరిగిన జుట్టును స్ట్రెయిట్ గా మార్చే చిట్కాలు

Posted: 07/29/2015 01:22 PM IST

సాధారణంగా కొందరి జుట్టు ఉంగరాలు తిరిగి వుంటుంది. ఈ విధంగా జుట్టు వుండటాన్ని కొందరు కోరుకుంటే.. మరికొందరు మాత్రం వద్దనుకుంటారు. వంకర్లు తిరిగిన జుట్టుతో చిక్కు, చుండ్రు సమస్యలు వుంటాయని, అందుకే స్ట్రెయిట్ జుట్టు కావాలని పరితపిస్తుంటారు. పైగా.. ప్రస్తుత జనరేషన్ లో స్ట్రెయిట్ జుట్టు ట్రెండ్ నడుస్తోంది కాబట్టి ప్రతి అమ్మాయి తమ జుట్టును అలా మార్చుకోవాలని అనుకుంటారు. అలా మార్చుకోవాలంటే కొన్ని చిట్కాలు పాటిస్తే చాలు. రసాయనాలతో కూడిన ప్రోడక్ట్స్ ఉపయోగిస్తే వాటి ప్రభావం జుట్టు మీద పడి, అవి మరింత అందవిహీనంగా తయారవుతాయి. కాబట్టి.. ఇంటి చిట్కాలే మేలు. మరి.. ఆ చిట్కాలేంటో తెలుసుకుందామా..

* ఇంటి చిట్కా - 1 : ఒక పాత్రలో పాలు, కొబ్బరి పాలు, తేనె తదితర పదార్థాలు వేసి బాగా కలుపుకోవాలి. ఈ మిశ్రమాన్ని జుట్టుకు పట్టించి, కొద్దిసేపు మర్దన చేసుకోవాలి. గంట తర్వాత గోరువెచ్చని నీరుతో తలస్నానం చేసుకోవాలి.

* ఇంటి చిట్కా - 2 : ఒక గిన్నెలో పాలు, గుడ్డు వేసి బాగా కలుపుకోవాలి. ఈ మిశ్రమాన్ని వెంట్రుకలకు పట్టించి.. 10 నిమిషాల తర్వాత వెంట్రుకల నుంచి కారుతున్న లిక్విడ్‌ని పిండేయాలి. తర్వాత తలకు ప్లాస్టిక్‌ క్యాప్‌ పెట్టుకుని అరగంట తర్వాత కడిగేసుకోవాలి.

* ఇంటి చిట్కా - 3 : ఇంట్లో శుభ్రంగా వున్న పాలను స్ప్రే బాటిల్‌లో నింపి.. కుదుళ్ల నుంచి చివరల వరకూ వెంట్రుకలను స్ర్పే చేయాలి. ఇలా చేసిన తర్వాత జుట్టును మర్దన చేసుకోవాలి. అరగంట తర్వాత కడిగేసుకోవాలి. ఈ పద్దతి అన్నికంటే సులభమైంది.

* ఇంటి చిట్కా - 4 : ముందుగా తలను గోరువెచ్చని నూనెతో మసాజ్‌ చేసి, ఆ తర్వాత వేడి నీళ్లలో ముంచి పిండిన టవల్‌ ను జుట్టుకు చుట్టుకోవాలి. అరగంటసేపు అలాగే వుంచుకున్న తర్వాత షాంపూతో తలస్నానం చేయాలి.

* ఇంటి చిట్కా - 5 : ఒక పాత్రలో అలోవేరా గుజ్జు వేసి అందులో రోజ్‌మేరీ, శాండిల్‌వుడ్‌ ఎసెన్షియల్‌ ఆయిల్స్‌ వేసి బాగా కలుపుకోవాలి. పేస్టులా తయారైన ఈ మిశ్రమాన్ని కుదుళ్లకు పట్టించాలి. రెండు గంటలాగి తలస్నానం చేయాలి.