బీట్ రూట్ లో దాగివున్న సౌందర్య రహస్యాలు

Posted: 05/06/2015 06:49 PM IST

Beetroot beauty benefits skincare healthy tips home remedies

చర్మసౌందర్యాన్ని పెంపొందించడంలో సమర్థవంతంగా పనిచేసే వాటిలో బీట్ రూట్ కూడా ఒకటి! ఇందులో వుండే ఎన్నోరకాల పోషకాలు సౌందర్యాన్ని పెంచడంతోపాటు చర్మ సమస్యల్ని నివారిస్తాయి. ముఖ్యంగా ఇది ముఖవర్ఛస్సును మరింతగా మెరిసేలా చేస్తుంది. మొత్తానికి దీంత అటు ఆరోగ్యంతోపాటు సౌందర్యాన్ని పెంచుకోవన్నమాట! మరి.. దీంతో కలిసి సౌందర్య ప్రయోజనాలేంటో తెలుసుకుందామా...

- కంటి కింద నల్లని వలయాలను నివారించడంలో బీట్ రూట్ రసం అద్భుతంగా పనిచేస్తుంది. బీట్ రూట్ రసంలో ఉండే లక్షణాలు కళ్ళ ఉబ్బును కూడా నివారిస్తుంది. రెండు చెంచాల బీట్ రూట్ రసంలో ఒక చెంచా పెరుగు మిక్స్ చేసి పేస్టులా కలియబెట్టాలి. ఈ మిశ్రమాన్ని ముఖానికి పట్టించి ఇరవై నిముషాల తర్వాత చల్లటి నీటితో శుభ్రం చేసుకుంటే మొటిమలతో పాటు వాటి తాలుకు మచ్చలు కూడా పూర్తిగా నివారించబడుతాయి.

- బీట్ రూట్ జ్యూస్‌ను ముఖానికి అప్లై చేయడం వల్ల చర్మ ఛాయ మెరుగుపడుతుంది. బీట్ రూట్ పేస్ట్‌లో కొద్దిగా పాలు మిక్స్ చేసి బాగా కలుపుకోవాలి. అనంతరం ఈ మిశ్రమాన్ని ముఖానికి పట్టించి అరగంట తర్వాత శుభ్రం చేసుకోవాలి. ఈ విధంగా ప్రతిరోజూ చేస్తే.. చర్మరంగులో మార్పు తప్పనిసరిగా కనిపిస్తుంది.

- ఒక పాత్ర తీసుకుని అందులో ఒక టీస్పూన్ బీట్ రూట్ జ్యూస్‌, ఒక చెంచా నిమ్మరసం వేసి మిక్స్ చేయాలి. ఈ మిశ్రమాన్ని ముఖానికి పట్టించి 15 నిముషాల తర్వాత చల్లటి నీటితో శుభ్రం చేసుకోవాలి. రాత్రి పడుకొనే ముందు చేస్తే మంచి ఫలితం ఉంటుంది.

- బీట్ రూట్ రసం, షుగర్ రెండింటి మిశ్రమాన్ని ముఖానికి పట్టించి స్ర్కబ్ చేయడం వల్ల ముఖంలో ఉండే బ్లాక్ హెడ్స్ నివారించబడుతాయి.