పొడిచర్మం సమస్యను తగ్గించుకోండిలా...

Posted: 10/31/2014 05:41 PM IST

అందం విషయంలో మహిళలు చాలా జాగ్రత్తలు పాటించాల్సి వస్తుంది. రెగ్యులర్ వాడే బ్యూటీక్రీమ్స్, లోషన్లను క్రమం తప్పకుండా వాడాల్సి వుంటుంది. అలాగే అప్పుడప్పుడు బ్యూటీపార్లర్ కు వెళ్లి అందం విషయంలో కేర్ తీసుకోవాల్సి వుంటుంది. ఒకవేళ క్రమం తప్పితే కొన్ని చర్మసమస్యలు సంభవిస్తాయి. అందులో మొదటిగా చర్మం పొడిగా మారటం! నిజానికి ఈ సమస్య దాదాపు ప్రతిఒక్కరిలోనూ వుంటుంది. చర్మానికి స్థిరంగా తేమ, జిడ్డు లేకపోతే పొడిగా మారుతుంది. అందుకే ఎల్లప్పుడూ సబ్బులు, ఫేష్ వాట్ వంటివి చేస్తుంటే చర్మం నార్మల్ గా వుంటుంది. కానీ వాతావరణ మార్పుల వల్ల చర్మం పొడిగా మారడం ప్రారంభమవుతుంది. అప్పుడు ఎన్ని లోషన్లు వాడినా.. కొద్దిసేపటి వరికే వాటిప్రభావం వుంటుంది గానీ.. తర్వాత చర్మం పొడిగా మారడం మొదలవుతుంది. ఈ సమస్యను నివారించుకోకపోతే ముఖం అందవిహీనంగా మారిపోతుంది. అలాంటప్పుడు ఈ సమస్యను కొన్ని సహజమార్గాల ద్వారా అధిగమించవచ్చు. ఆ బ్యూటీ టిప్స్ ఏమిటంటే..

1. తేనె ప్యాక్ : తేనె, నారింజ రసం కలిపిన మిశ్రమాన్ని బాగా కలియబెట్టాలి. దీనిని చర్మం మీద బాగా రుద్దుకుని... 10 నిమిషాల తర్వాత శుభ్రం చేసుకోవాలి. ఇలా చేస్తే.. పొడిచర్మం సిల్కీగా, మృదువుగా మారుతుంది.

2. గుడ్డు ప్యాక్ : ముందుగా ఒక గుడ్డును తీసుకుని దానినుండి తెలుపు, పసుపు సొనలను వేరుచేయాలి. తరువాత గుడ్డు పచ్చసొన తీసుకొని బాగా కలిప... దానిలో ఒక టేబుల్ స్పూన్ నారింజ రసం, ఒక టేబుల్ స్పూన్ ఆముదం, ఒక టేబుల్ స్పూన్ ఆలివ్ ఆయిల్, ఒక టేబుల్ స్పూన్ తేనే, కొన్ని చుక్కల రోజ్ వాటర్, కొన్ని చుక్కల నిమ్మరసం కలపాలి. ఈ మిశ్రమాన్ని ప్రతి ఉదయం స్నానానికి ముందు రాసి ఆరిన తర్వాత శుభ్రం చేసుకోవాలి.

3. మామిడి మాస్క్ : బాగా పండిన మామిడికాయను తీసుకోని తొక్క నుండి గుజ్జును వేరుచేయాలి. ఆ గుజ్జును మిక్సర్ లో వేసి మెత్తగా చేయాలి. ఇలా చేసిన అనంతరం అందులోనుంచి ఒక స్పూన్ మెత్తని గుజ్జును తీసుకుని అందులో ఒక స్పూన్ తేనే, మూడు స్పూన్స్ ఆలివ్ ఆయిల్ కలపాలి. ఈ మిశ్రమాన్ని ముఖానికి పట్టించి గంట తర్వాత శుభ్రం చేసుకోవాలి.

4. అరటి మాస్క్ : తాజగా వుండే రెండు అరటి పండ్లను తీసుకోని, తొక్క తీసి మిక్సర్ లో వేసి మెత్తని గుజ్జుగా చేయాలి. దీనిని ముఖం మీద బాగా రాసుకుని.. గంట తర్వాత శుభ్రం చేసుకోవాలి.

5. పెరుగు ప్యాక్ : ఒక కప్పులో రెండు స్పూన్స్ పెరుగు తీసుకోని దానిలో కొద్దిగా తేనే కలపాలి. ఈ మిశ్రమాన్ని బాగా కలియబెట్టి.. ముఖానికి పట్టించుకోవాలి. ఒక గంట తర్వాత శుభ్రం చేసుకుంటే సరిపోతుంది.