తెల్లజుట్టును నివారించే ఇంటి చిట్కాలు!

Posted: 10/21/2014 06:26 PM IST

ప్రస్తుత మోడ్రన్ ప్రపంచంలో ప్రతిఒక్కరు అందంగా కనిపించడానికి ఎన్నో ప్రయత్నాలు చేస్తుంటారు. కానీ.. కాలంతోపాటు మానవశరీరంలో కూడా మార్పులు వస్తుంటాయి కాబట్టి.. అందాన్ని మెయింటెయిన్ చేయడం కూడా చాలా కష్టం అవుతుంది. పైగా ఈ బిజీ ప్రపంచంలో అన్ని పనులు ఒత్తిళ్లతో కూడుకున్నవే కాబట్టే.. ఎక్కువగా ఆలోచించాల్సి వస్తుంది. తద్వారా ఆరోగ్య సమస్యలతోపాటు సౌందర్యపరంగా ఇబ్బందులను ఎదుర్కోవలసి వస్తుంది. మెదడుకు ఎక్కువ పని ఇవ్వడం వల్ల అది జుట్టుకు కావల్సిన పోషకాలు అందించడంలో విఫలం అవుతుంది. తద్వారా జుట్టు రాలడం లేదా తెల్లగా మారడం జరుగుతుంది. జుట్టురాలే సమస్య చాలా తక్కువే కానీ.. తక్కువ వయస్సులోనే జుట్టు తెల్లగా మారిపోవడం పెద్ద సమస్యగా మారిపోయింది. నిత్యం పనిమీదే ధ్యాస వుండటం వల్ల ఇటువంటి సమస్యలు వస్తాయి. తెల్లజుట్టును నివారించే ప్రోడక్ట్స్ చాలావరకు అందుబాటులో వున్నాయి కానీ.. అవి తాత్కాలికంగానే పనిచేస్తాయి. అలాకాకుండా తెల్లజుట్టును నల్లగా మార్చాలన్నా... నల్లగా వుండే జుట్టు తెల్లబడకూడదంటే.. ఇంట్లోనే కొన్ని ఉత్పత్తులను తయారుచేసుకుని ఈ సమస్యలను అధిగమించవచ్చు. మరి ఆ ఉత్పత్తులేమిటో తెలుసుకుందాం...

1. కొబ్బరినూనె - కరివేపాకు మిశ్రమం : కొబ్బరి నూనె తలకు, జుట్టుకు మంచి పోషణను అందిస్తుంది. కరివేపాకు ఆయుర్వేద గుణాలను అందిస్తుంది.
విధానం : అరకప్పు కరివేపాకులో కొబ్బరినూనెను వేయాలి . దీన్ని ఒక పాన్ లో వేసి తక్కువ మంట మీద కాచుకోవాలి. తర్వాత మిశ్రమాన్ని చల్లార్చనివ్వాలి. చల్లారిన తర్వాత దీన్ని తలకు, జుట్టుకు పట్టించాలి. అరగంట తర్వాత గోరువెచ్చని నీటితో తలస్నానం చేసుకోవాలి.

2. ఆమ్లా/ఉసిరికాయ : ఇండియన్ గూస్బెర్రీగా పలువబడే ఉసిరియకాయలో ఎన్నో ప్రయోజనాలున్నాయి.
విధానం : ఉసిరికాయలను చిన్న ముక్కలుగా కట్ చేసి, ఎండలో ఎండనివ్వాలి. ఎండిన తర్వాత ఈ ముక్కలను కొబ్బరి నూనెలో వేసి కొద్ది సమయం బాగా మరిగించాలి. ఈ ఉసిరికాయ ముక్కలు క్రిస్పీగా గట్టిపడుతాయి. తర్వాత ఈ మిశ్రమాన్ని చల్లారనివ్వాలి. చల్లారిన తర్వాత ఈ నూనెను తలకు, జుట్టుకు పట్టించాలి. కొంత సమయం అలాగే ఉంచుకొని తర్వాత నాణ్యమైన షాంపుతో తలస్నానం చేయాలి.

3. మజ్జిగ - కరివేపాకు మిశ్రమం : ఈ రెండింటిలో వుండే పోషకాలు జుట్టును కాంతింవంతంగా మెరిసేలా చేయడంతోపాటు ఎల్లప్పుడూ గ్రే కలర్ లో వుండేందుకు సహాయపడుతాయి.
విధానం : ఒక కప్పు మజ్జిగలో గుప్పెడు కరివేపాకు వేసి బాగా కలియబెట్టాలి. ఈ మిశ్రమాన్నితలకు పట్టించాలి. అరగంట వరకు అలాగే ఉంచి, తర్వాత మసాజ్ చేసుకోవాలి. అనంతరం తలస్నానం చేసుకోవాలి.

4. క్యారెట్ సీడ్ ఆయిల్ - నువ్వుల నూనె మిశ్రమం : క్యారెట్ సీడ్ ఆయిల్, నువ్వుల నూనె మిశ్రమాన్ని తలకు బాగా పట్టిస్తే గ్రేహెయిర్ నివారించబడుతుంది.
విధానం : 4 టేబుల్ స్పూన్ల నువ్వుల నూనెలో కొద్దిగా క్యారెట్ సీడ్ ఆయిల్ ను మిక్స్ చేయాలి. ఈ మిశ్రమాన్ని తలకు పట్టించి, మసాజ్ చేయాలి. అరగంట తర్వాత మన్నికైన షాంపుతో తలస్నానం చేసుకోవాలి.

5. నిమ్మరసం - బాదం ఆయిల్ - ఉసిరి మిశ్రం : నిమ్మరసం, ఉసిరికాయ, బాదం ఆయిల్లో ఆయుర్వేదిక్ గుణగణాలు ఎక్కువగా ఉండటం వల్ల ఈ మూడు పదార్థాల మిశ్రమం గ్రేహెయిర్ ను నివారించడంలో అద్భుతంగా సహాయపడుతాయి.
విధానం : ఈ మూడింటిని ఒక పాన్ లో వేసి బాగా కలియబెట్టాలి. ఈ మిశ్రమాన్ని రిఫ్రిజరేటర్లో 3రోజుల పాటు నిల్వ చేసి, తర్వాత తలకు పట్టించి బాగా మసాజ్ చేయాలి. తర్వాత షాంపుతో తలస్నానం చేయాలి. ఈ మిశ్రమాన్ని రెగ్యులర్ గా ప్రతి రోజూ కూడా అప్లై చేయవచ్చు.