నేతలకు.. మళ్లీ మెదలైన బెదిరింపు ఫోన్ కాల్స్..

Posted: 11/02/2014 09:09 PM IST

Shahnawaz hussain gets threat call from dubai number

దేశంలోని అగ్రనేతలకు మళ్లీ బెదిరింపు ఫోన్ కాల్స్ వస్తున్నాయి. ఫలానా పార్టీలో ఎందుకు కొనసాగుతున్నావంటూ.. ఫోన్లు వస్తున్నాయ్. అంతే కాదు.. తక్షణం ఫలానా పార్టీ నుంచి వైదులుగుమంటూ నేతలను అగంతకులు బెదిరిస్తున్నారు. అనువనునా మత చాంధాసం నింపుకున్న అగంతకులు వారు వున్నదెక్కడా అని మరచిపోయి.. మన దేశంలోని నేతలను టార్గెట్ చేస్తున్నారు. కేంద్రంలో బీజేపి పార్టీ అధికారంలోకి వచ్చినప్పుడల్లా ఈ తరహా బెదిరింపు ఫోన్ కాల్స్ కు కొదవలేదు. బీజేపి అంటేనే మతవాద పార్టీ అని వారు భ్రమపడుతున్నారు.

తాజాగా, బీజేపీ అధికార ప్రతినిధి షానవాజ్ హుస్సేన్‌కు దుబాయ్ నుంచి బెదిరింపు ఫోన్ కాల్స్ వచ్చాయి. ఈ మేరకు హుస్సేన్ పార్లమెంట్ స్ట్రీట్ పోలీస్ స్టేషన్‌లో ఫిర్యాదు చేశారు. గత రాత్రి 11.30 గంటల ప్రాంతంలో పాట్నా నుంచి ఢిల్లీకి తిరిగి వస్తుంగా ఫోన్ కాల్స్ వచ్చాయని ఫిర్యాదులో పేర్కొన్నారు. బీజేపీని వీడాలని హుస్సేన్‌ను హెచ్చరించినట్లు ఆయన చెప్పారు. అయితే పోలీసులు వివిధ సెక్షన్ల కింద కేసు నమోదు చేసి దర్యాప్తు ప్రారంభించారు.

మనోహర్