వేగంగానే శాంతిస్తున్న హుదూద్: ఐఎండీ

Posted: 10/12/2014 03:06 PM IST

ప్రళయ భయంకరంగా రూపాంతరం చెంది 18 ఏళ్ల తరువాత విశాఖ తీరాన్ని కేంద్రంగా చేసుకుని దాటిన హుదూద్ పెను తుపాను.. అంతే వేగంగా శాంతిస్తుందని భారత వాతావరణ శాఖ తెలిపింది. మరో 6 గంటల్లో హుదుద్ పెను తుపాను తీవ్ర తగ్గుతుందని భారత వాతావరణ శాఖ అధికారులు. ప్రచండ వేగంతో వచ్చిన ఈదురు గాలుల తీవ్రత కూడా క్రమేపి తగ్గుతుందని అధికారులు వెల్లడించారు. విశాఖలో పరిస్థితి తీవ్రంగా ఉందని వాతావరణశాఖ పేర్కొంది. సోమవారం నుంచి విశాఖలో విమాన సేవలకు ఇబ్బంది లేదని, ఈనెల 15 వరకు భారీ వర్షాలు కొనసాగుతాయని వాతావరణశాఖ తెలిపింది. జార్ఖండ్, ఛత్తీస్‌గఢ్, బెంగాల్, మధ్యప్రదేశ్, తూర్పు యూపీలో కూడా భారీ వర్షాలు కురిసే అవకాశముందని వాతావరణశాఖ అధికారులు అంచనావేస్తున్నారు.

జి.మనోహర్