Posted: 06/13/2012 06:50 PM IST

 

విత్తముగలవాని వీపు పుండైనను

వసుధలోన జాల వార్తకెక్కు

బేదవానియింట బెండ్లయిననెగరు

విశ్వధాభిరామ వినురమేమ

విత్తము = ధనము, వసుధ = ప్రపంచము, చాలా వార్త కెక్కును = మిగుల ప్రసిధ్ధి కెక్కును.

అధిక ధనం గలవాని వీపు పైన అయిన పుండు సైతము నలుగురి నోళ్ళలోబడి ప్రచారమగును. కానీ బీదవానింట పెండ్లయిన ఎవ్వరూ చెప్పుకోరు.

 

విద్యలేని వాడు విద్యాధికుల చెంత

నుండినంత బండితుండు కాఁడు

కొలని హంసలకడఁ గొక్కెరయున్నట్లు

విశ్వధాభిరామ వినురమేమ.

విద్యలేని వాడు = చదువురాని వాడు, విద్యాధికుల చెంతన్ = పండితల దగ్గర, కొక్కెర = కొంగ.

హంసలతోఁ గలసిమెలసి యున్నంత మాత్రాన కొంగ మార్పు జెందలేనట్లు, పండితులతో గూడియు మూఢుఁడు మారజాలడు.