Posted: 04/07/2012 12:17 PM IST

 

 

తల్లి తండ్రుల మీద దయలేని పుత్రుండు

పుట్టనేమి వాడు గిట్టనేమీ

పుట్టలోని చెదలు పుట్టవా గిట్టవా

విశ్వధాభిరామ వినురమేమ.

             పుత్రుండు = పుత్రుడు, గిట్టనేమి = చనిపోయిన నేమి,

వేమన శతకంలో వేమన దేవతలతో సమానమైన తల్లిదండ్రుల మీద దయ, జాలి, కరుణ చూపని కొడుకు పుట్టినా ఏం ఉపయోగం లేదు. వాడు చనిపోయినవాడితో సమానం. అలాంటి కొడుకు పుట్టలో పుట్టి పుట్టలోనే నశించి పోయే చెదలుతో సమానం అని పోల్చాడు.

ధనము కూడబెట్టి దానంబు చేయక

తాను దినక లెస్స దాచుకొనగ

తేనెటీగ గూర్చి తెరువరి కియ్యదా

విశ్వధాభిరామ వినురమేమ.

            లెస్స = బాగుగా, తెరువరికి = బాట సారికి

             వేమన శతకంలో వేమన లోభి గురించి ఈ విధంగా వర్ణించాడు. బాగా ధనము కలిగిన పిసినారి ఆ ధనమును ఇతరులకు ధాన ధర్మములు చేయక, తాను కూడా తినక, అనుభవించక వాటిని చూసుకుంటూ జీవతం గడిపేసి చివరికి చనిపోతాడు. తేనెటీగ కూడ ఎంతో కష్టపడి పూలలోని మకరంధాన్ని తెచ్చి తేనెను తయారు చేసి అవి తాగకుండా పరుల పాలు చేస్తాయి. ఈ పద్యంలో వేమన లోభిని తేనె టీగలతో పోల్చాడు. లోభి తేనెటీగ లాంటి వాడు అని అర్థం.