Teachers Day Celebration In Galla Aruna Kumari

Posted: 09/06/2012 04:09 PM IST

teachers day celebration in galla aruna kumari

గురుపూజోత్సవ కార్యక్రమంలో చిత్తూరుజిల్లా విద్యాశాఖ అధికారులు జాతీయ నాయకులను అవమానపర్చారు. సమావేశానికి హాజరైన అతిథులకు, సభికులకు జాతీయ నాయకుల ఫోటోలతో ముద్రించిన పేపర్ ప్లేట్లలో అల్పాహారం అందించి వారిని తీవ్రంగా అవమానించారు. చిత్తూరు నగరంలోని అంబేద్కర్ భవన్‌లో గురుపూజోత్సవం విద్యాశాఖ ఆధ్వర్యంలో నిర్వహించారు. ఈ కార్యక్రమానికి హాజరైన అతిథులకు, సభికులకు జాతీయ నాయకుల ఫోటోలతో తయారైన పేపర్‌ప్లేట్లతో అల్పాహారం పంపిణీ చేశారు. అనంతరం వాటిని చెత్తబుట్టలో పడేశారు. చెత్తబుట్టలో పడేసిన ప్లేట్లపై కన్నెయగా వాటిపై జాతీయ నాయకుల ఫొటోలు ముద్రించి ఉన్నాయి. దీనిపైనే సభలో అందరూ చర్చించుకున్నారు. నిర్వాహకుల తీరును తప్పుబట్టారు. ముఖ్య అతిథిగా పాల్గొన్న భూగర్భ గనుల శాఖ మంత్రి గల్లాఅరుణకుమారికి ఈ కార్యక్రమానికి కొంచెం ఆలస్యంగా రావడంతో విషయాన్ని మీడియా ఆమె దృష్టికి తీసుకువెళ్లారు. విషయం తెలుసుకున్న ఆమె కొద్దిసేపు అవాక్కయ్యారు. దీనిపై నిర్వాహకులను మందలించి తయారుచేసిన వారిపై చర్యలు తీసుకుంటామన్నారు.