Yalamanchili Rajendra Prasad Comment On Anam Ram Narayan Reddy

Posted: 08/23/2012 03:53 PM IST

yalamanchili rajendra prasad comment on anam ram narayan reddy

కాంగ్రెస్ నేత, ఆర్థిక మంత్రి ఆనం రాంనారాయణరెడ్డికి ఇక్కడ ప్రత్యర్థి శిబిరం నుంచి పెద్ద సర్టిఫికెట్ లభించింది. 'మొత్తం రాష్ట్ర మంత్రివర్గంలో ఒక్క మగాడు.. ఆనం' అంటూ టీడీపీకి చెందిన ఎమ్మెల్సీ యలమంచిలి రాజేంద్రప్రసాద్ ప్రశంసించారు. విలేకరుల సమావేశంలో ఆయనీ వ్యాఖ్య చేశారు. వైఎస్ కుటుంబ అవినీతికి ఆ నాటి బీసీ మంత్రులు జైలుపాలై కేసుల్లో ఇరుక్కొన్నారని... దీనికి విజయలక్ష్మి ఏం సమాధానం చెబుతారని ఆనం ధైర్యంగా నిలదీసి ప్రశ్నించారని చెప్పారు. మిగిలిన మంత్రులు అంతర్గత సమావేశాల్లో సన్నాయి నొక్కులు నొక్కుతున్నారే తప్ప బయటకు వచ్చి మాట్లాడే సాహసం చేయలేకపోతున్నారు. అధికార పార్టీకి చెందిన మంత్రులపై సీబీఐ అల్లాటప్పాగా కేసులు నమోదు చేస్తుందా? జరిగిన అవినీతి వ్యవహారాల్లో వీరి పాత్ర ఉండబట్టే నిందితులుగా నమోదయ్యారు' అని పేర్కొన్నారు.వాన్‌పిక్ కంపెనీకి నాలుగు వేల ఎకరాల భూమి ఇవ్వాలని మంత్రివర్గం తీర్మానిస్తే 28 వేల ఎకరాలు ఇస్తూ నాటి రెవెన్యూ మంత్రి ధర్మాన ఎలా జీవో ఇచ్చారని ప్రశ్నించారు. "వాన్‌పిక్‌లో మంత్రివర్గ నిర్ణయం ఒకటి.. తర్వాత ధర్మాన ఇచ్చిన జీవోలు వేరు. అసెంబ్లీలో లాజిక్కులు, మ్యాజిక్కులతో ధారావాహికగా ఉపన్యాసాలు చేసే ధర్మాన గొంతు ఇప్పుడు ఎందుకు లేవడం లేదు?' అని ఎద్దేవా చేశారు.