Upa To Seek Vote In Parliament On Fdi

Posted: 12/06/2011 03:52 PM IST

central-government రిటైల్ రంగంలో 51 శాతం విదేశీ ప్రత్యక్ష పెట్టుబడులకు అనుమతి నిర్ణయంపై ప్రతిపక్షాలు గత రెండు వారాలుగా పార్లమెంటును స్తంభింప చేస్తున్న నేపథ్యంలో కేంద్ర ప్రభుత్వం దిగివచ్చింది. ఎఫ్‌డీఐ నిర్ణయాన్ని నిలిపివేస్తున్నామని, యూపీఏ భాగస్వామ్య పక్షాలు, ప్రతిపక్ష పార్టీలతో చర్చించాకే తుది నిర్ణయం తీసుకుంటామని పేర్కొంది. ఇందుకోసం రేపు ప్రధాని నేతృత్వంలో అఖిలపక్ష సమావేశం ఏర్పాటు చేస్తున్నట్లు తెలిపింది. ఈమేరకు విపక్ష నేతలకు కేంద్ర ఆర్థికమంత్రి ప్రణబ్‌ముఖర్జీ ఫోన్ చేసి.. ఎఫ్‌డీఐ నిర్ణయాన్ని నిలుపుదల చేస్తున్నట్లు చెప్పారు. దీనిపై పార్లమెంటులో ప్రకటన చేస్తామని తెలిపారు. యూపీఏ సంకీర్ణ భాగస్వామ్య పక్షాలైన తృణమూల్ కాంగ్రెస్, డీఎంకేలు కూడా ఎఫ్‌డీఐ నిర్ణయాన్ని వ్యతిరేకిస్తుండటం.. అన్నివైపుల నుంచీ తీవ్ర వ్యతిరేకత ఎదురుకావటంతో ఎఫ్‌డీఐపై కేంద్రం వెనక్కు తగ్గలేక తప్పలేదు.