రొయ్యలు తినండి.. ఆరోగ్యం మెరుగుపర్చుకోండి!

Posted: 05/20/2015 07:13 PM IST

Prawns health benefits healthy food items home remedies

మాంసాహారప్రియులు తమ ఆరోగ్యాన్ని మెరుగు పర్చుకోవాలంటే రొయ్యలు తింటే మంచిదని ఆరోగ్య నిపుణులు అంటున్నారు. మానవ శరీరానికి కావలసిన పోషకాలు ఇందులో పుష్కలంగా వుంటాయని.. కాబట్టి వారానికోసారి రొయ్యల రిసిపీ చేసుకుని తింటే ఆరోగ్యంగా వుండవచ్చునని అంటున్నారు. అంతేకాదు.. ఈ రొయ్యల్లో సౌందర్య లక్షణాలు సైతం వున్నాయి. ఈ రొయ్యల్లో వృద్ధాప్య ఛాయలకు చెక్ పెట్టే పోషకాలు వున్నాయని బ్యూటీషియన్లు సలహాలిస్తున్నారు. ఇంతకీ ఈ రొయ్యల్లో కలిగే ప్రయోజనాలేంటో తెలుసుకుందామా...

* సూర్యకాంతితో ఏర్పడే వృద్ధాప్య లక్షణాలతో పాటు విటమిన్ లోపంతో ఏర్పడే యాంటీ ఏజింగ్ సమస్యలను దూరం చేసుకోవాలంటే వారంలో ఒకసారైనా ఆహారంలో రొయ్యలు జోడిస్తే మంచి ఫలితం దక్కుతుంది. మెరుగైన సౌందర్యాన్ని పొందడంతోపాటు, చర్మ ఛాయను పొందవచ్చునని న్యూట్రీషన్లు అంటున్నారు.

* రొయ్యల్లోని ఎంజైమ్ ప్రపంచవ్యాప్తంగా అనేక మందిని బాధిస్తున్న గుండె జబ్బుల అపాయాలకు ఒక శక్తివంతమైన సాధనంగా ఉపయోగిస్తారు. రొయ్యలలో కనిపించే అధిక స్థాయి ఒమేగా 3 కొవ్వు ఆమ్లం రక్తప్రవాహంలో కొలెస్ట్రాల్ తొలగించడానికి సహాయపడుతుంది. అంతేకాకుండా గుండె సంబంధిత వ్యాధులు ముఖ్యంగా గుండెపోటు వచ్చే అవకాశం చాలా వరకు తగ్గుతుంది. రొయ్యల్లో ప్రోటీన్, క్యాల్షియం, మెగ్నీషియం వంటి అనేక విటమిన్స్ వున్నాయి. ఇవి సమర్థవంతంగా ఎముక క్షీణతకు వ్యతిరేకంగా చేసే పోరాటంలో సహాయపడతాయి.

* సాధారణంగా ఆహార ప్రోటీన్లు, విటమిన్లు లోపం వల్ల ఎముకల నాణ్యత క్షీణించిపోతుంది. అలాంటప్పుడు ఎముకలు బలపడాలంటే.. రోజువారీ లేదా వారపు ఆహారంలో రొయ్యలు జోడిస్తే ఎంతో శ్రేయస్కరం. రొయ్యల్లో ప్రోటీన్‌తో పాటు విటమిన్ డి ఉంటుంది. కాబట్టి ప్రజలు రోజువారీ తీసుకొనే పిండిపదార్ధాలు లేకుండానే బరువు కోల్పోవడం గుర్తించవచ్చునని ఆరోగ్య నిపుణులు అంటున్నారు.