స్టొమక్ ఇన్ఫెక్షన్‌కి ఔషధాలు..

Posted: 04/28/2015 03:27 PM IST

సాధారణంగా తరుచూ వచ్చే చిరుజబ్బులో స్టొమక్ ఇన్ఫెక్షన్ కూడా ఒకటి! సమయానికి భోజనం చేయకపోవడం, పౌష్టికాహారం తీసుకోకపోవడం, పిజ్జా-బర్గర్లు వంటివి తినడం వల్ల ఈ సమస్య వస్తుంటుంది. ఈ సమస్య వచ్చినప్పుడు దీని నుంచి ఉపశమనం పొందేందుకు ఎన్నోరకాల మందులు అందుబాటులో వున్నాయి కానీ.. వాటి నుంచి తక్షణమే ఉపసంహరణ లభించదు. అలాంటప్పుడు ఈ సమస్యనుంచి బయటపడాలంటే కొన్ని ఔషధాలు అందుబాటులో వున్నాయి. వాటిని రెగ్యులర్ గా తీసుకుంటే.. ఈస్టొమక్ ఇన్ఫెక్షన్‌ నుంచి తక్షణమే ఉపశమనం పొందవచ్చు. ఆ ఔషధాలేమిటంటే.. వెల్లుల్లి, పసుపు, తేనె!

పసుపు : మామూలుగా వచ్చే వ్యాధుల వల్ల పొట్టలో హానికారక బ్యాక్టీరియాలు ఏర్పడుతాయి. వీటి వల్ల స్టొమక్ ప్రాబ్లమ్స్ పుట్టుకొస్తాయి. అయితే.. ఈ బ్యాక్టీరియాలను నివారించడానికి పసుపు వంచి నేచురల్ యాంటీబయోటిక్ ను ఉపయోగించవచ్చు. ఒక పాత్ర తీసుకుని అందులో చెంచా పుసుపు, 6 చెంచాల తేనె వేసి మిక్స్ చేయాలి. అనంతరం ఈ మిశ్రమాన్ని మూత గట్టిగా ఉండే డబ్బాలో స్టోర్ చేసుకుని పెట్టుకోవాలి. ఇలా తయారుచేసుకున్న ఈ మిశ్రమంలో రోజుకు రెండుసార్లు అరచెంచా తీసుకుంటే.. అది స్టొమక్ ఇన్ఫెక్షన్స్‌ను నివారిస్తుందని ఆయుర్వేద నిపుణులు అంటున్నారు.

వెల్లుల్లి : స్టొమెక్ ఇన్ఫెక్షన్ ను నివారించడంలో వెల్లుల్లి దివ్యౌషధంగా పనిచేస్తుంది. మూడు వెల్లుల్లిపాయలను నేరుగా తీసుకోవాలి లేదా తయారు చేసే వంటకాల్లో వీటిని చేర్చుకోవాలి. ఇలా చేయడం వల్ల ఇది కడుపులో వున్న హానికార బ్యాక్టీరియాలతో పోరాడి.. స్టొమక్ ఇన్ఫెక్షన్స్ నివారించడంలో గ్రేట్‌గా సహాయపడుతుంది.

తేనె : ఇది శరీరంలో వ్యాధినిరోధకశక్తిని పెంచే నేచురల్ యాంటీ బయోటిక్! ఒక పాత్రలో తేనె, దాల్చిన చెక్క పొడిని సమంగా తీసుకోవాలి. ఈ మిశ్రమాన్ని బ్రౌన్ బ్రెడ్‌కు అప్లైచేసి ఉదయం అల్పాహారంగా తీసుకోవాలి. ఇలా ప్రతిరోజూ తీసుకుంటే.. స్టొమక్ ఇన్ఫెక్షన్స్ నుంచి ఉపశమనం పొందవచ్చు.